കൊല്ലം: മഹാത്മാഗാന്ധിജിയുടെ രക്തസാക്ഷിത്വ ദിനത്തോടനുമ്പന്ധിച്ച് കൊല്ലം ക്രിസ്തുരാജ് എച്ച്.എസ്.എസിലെ എസ്.പി.സി, എൻ.സി.സി യൂണിറ്റുകളുടെ നേതൃത്വത്തിൽ രക്തദാന ക്യാമ്പ് സ്ക്കൂൾ കാമ്പസിൽ കൊല്ലം ഐ.എം.എ.യുടെ സഹകരണത്തോടെ നടന്നു.
വിദ്യാഭ്യാസ, കായിക കാര്യ സ്റ്റാന്റിംഗ് കമ്മിറ്റി ചെയർ പേഴ്സൺ സവിത ദേവി ക്യാമ്പ് ഉദ്ഘാടനം ചെയ്തു. എസ്.പി.സി കൊല്ലം ജില്ലാ അസിസ്റ്റന്റ് നോഡൽ ഓഫീസർ പി. അനിൽകുമാർ, പ്രിൻസിപ്പൽ ജി. ഫ്രാൻസിസ്, ഹെഡ്മാസ്റ്റർ എ.റോയ്സ്റ്റൺ, ഡോ.അനിത ബാലകൃഷ്ണൻ (ഐ.എം.എ ) പി.ടി. എ. പ്രസിഡന്റ് കെ.ബി. സന്തോഷ്, എസ്.പി.സി കമ്മ്യൂണിറ്റി പൊലീസ് ഓഫീസർ പ്രവീൺ ജോസഫ്, എൻ. സി.സി കേയർ ടേക്കർമാരായ ഷിബു ജർമ്മൻ, സിമി ഗോമസ്, ഡെപ്യൂട്ടി എച്ച്.എം. ഷേർളി മാനുവൽ എന്നിവർ സംസാരിച്ചു.