കൊല്ലം: വീട്ടുമുറ്റത്ത് കളിച്ചുകൊണ്ടിരുന്ന ബാലികയോട് ലൈംഗികാതിക്രമം നടത്തിയ യുവാവിനെ പോക്‌സോ നിയമ പ്രകാരം കരുനാഗപ്പള്ളി പൊലീസ് അറസ്റ്റ് ചെയ്തു. കരുനാഗപ്പള്ളി കല്ലേലി ഭാഗം ബിന്ദു ഭവനത്തിൽ ബിന്ദുലാൽ (ബാബു-43) ആണ് പിടിയിലായത്. 26ന് വൈകിട്ടോടെയാണ് സംഭവം. കുട്ടിയുടെ രക്ഷിതാക്കൾ ചൈൽഡ്‌ വെൽഫെയർ കമ്മിറ്റിയിൽ നൽകിയ പരാതിയുടെ അടിസ്ഥാനത്തിൽ കേസ് രജിസ്റ്റർ ചെയ്തു. കരുനാഗപ്പള്ളി പൊലീസ് ഇൻസ്‌പെക്ടർ ജി. ഗോപകുമാറിന്റെ നേതൃത്വത്തിൽ എസ്.ഐമാരായ ധന്യ, അലോഷ്യസ്, ജയശങ്കർ, റസൽ, എസ്.സി.പി.ഒ ബീന എന്നിവരാണ് അറസ്റ്റ് ചെയ്തത്. ഇയാളെ റിമാൻഡ് ചെയ്തു.