തൃശൂർ: ഫെബ്രുവരി 20 ലെ ഭാരതീയ വ്യാപാരി വ്യവസായി സംഘം സംസ്ഥാന സമ്മേളനത്തിന് മുന്നോടിയായി സ്വാഗത സംഘം രൂപീകരിച്ചു. തൃശൂർ സാഹിത്യ അക്കാഡമി വൈലോപ്പിള്ളി ഹാളിൽ നടന്ന യോഗം സംസ്ഥാന ജനറൽ സെക്രട്ടറി ജി.എസ്. മണി ഉദ്ഘാടനം നിർവഹിച്ചു. സംസ്ഥാന പ്രസിഡന്റ് സദാശിവൻ അദ്ധ്യക്ഷനായി. സിതാറാം ആയുർവേദിക് മിഷൻ മാനേജിങ് ഡയറക്ടർ ഡോ. ഡി. രാമനാഥൻ അദ്ധ്യക്ഷനും ആർ.എസ്.എസ് തൃശൂർ വിഭാഗ് സംഘചാലക് പത്മനാഭൻ വൈസ് പ്രസിഡന്റുമായി 45 അംഗ സ്വാഗതസംഘം രൂപീകരിച്ചു. സംസ്ഥാന വക്താവ് പി.ആർ. സോംദേവിനെ സംസ്ഥാന കൺവീനറായും ജില്ലാ ജനറൽ സെക്രട്ടറി പി.എസ്. രഘുനാഥിനെ ജനറൽ കോൺവീനറായും പ്രഖ്യാപിച്ചു. സംസ്ഥാന സെക്രട്ടറി സന്തോഷ്, സംസ്ഥാന വക്താവ് പി.ആർ. സോംദേവ്, സംസ്ഥാന ട്രഷറർ ഹരികുമാർ തുടങ്ങിയവർ സംസാരിച്ചു.