ബ്ലോക്ക് പഞ്ചായത്ത് അംഗം ഭഗീഷ് പൂരാടൻ തന്റെ ഓണറേറിയം ആക്ട്‌സ് തൃപ്രയാറിന്റെ ജീവകാരുണ്യ പ്രവർത്തനങ്ങൾക്കായി കൈമാറുന്ന ചടങ്ങിൽ നിന്ന്.ബ്ലോക്ക് പഞ്ചായത്ത് അംഗം ഭഗീഷ് പൂരാടൻ തന്റെ ഓണറേറിയം ആക്ട്‌സ് തൃപ്രയാറിന്റെ ജീവകാരുണ്യ പ്രവർത്തനങ്ങൾക്കായി കൈമാറുന്ന ചടങ്ങിൽ നിന്ന്.
തളിക്കുളം: ബ്ലോക്ക് പഞ്ചായത്ത് അംഗം ഭഗീഷ് പൂരാടൻ ജനപ്രതിനിധിയായതിന്റെ ഒന്നാം വാർഷികം പൂർത്തിയാകുന്ന വേളയിൽ ഒരു മാസത്തെ ഓണറേറിയം ആക്ട്‌സ് തൃപ്രയാറിന്റെ ജീവകാരുണ്യ പ്രവർത്തനങ്ങൾക്കായി നൽകി. ഏറെ സാമ്പത്തിക ബുദ്ധിമുട്ടുകൾ സഹിച്ചാണ് ആക്ട്‌സ് സൗജന്യ സേവനങ്ങൾ ചെയ്യുന്നത്. ഇത് മനസിലാക്കിയ ഭഗീഷ് ഓണറേറിയത്തിലൂടെ ലഭിച്ച സംഖ്യ ആക്ട്‌സിന് നൽകാൻ തീരുമാനിക്കുകയായിരുന്നു. കഴിഞ്ഞ 11 മാസത്തെ ഓണറേറിയവും അവശതയനുഭവിക്കുന്നവർക്കും പാർശ്വവൽക്കരിക്കപ്പെട്ടവർക്കുമാണ് ഭഗീഷ് നൽകിയിട്ടുള്ളത്. തൃപ്രയാർ ആക്ട്‌സിനു വേണ്ടി ആക്ട്‌സ് ജനറൽ സെക്രട്ടറി ഫാ. ഡേവിസ് ചിറമ്മൽ തുക എറ്റുവാങ്ങി.
ബിജോയ് പുളിയംപറ, ജയൻ ബോസ്, ആക്ട്‌സിനെ പ്രതിനിധീകരിച്ച് ബ്രാഞ്ച് സെക്രട്ടറി സുനിൽ പാറമ്പിൽ, കൺവീനർ പ്രേംലാൽ വലപ്പാട്, ജോ: കൺവീനർ വാസൻ ആന്തുപറമ്പിൽ, ജോ. സെക്രട്ടറി അഭയ് തൃപ്രയാർ എന്നിവർ പങ്കെടുത്തു.