തൃശൂർ: ജില്ലയിൽ പ്രതിദിന കൊവിഡ് കണക്കിൽ റെക്കാഡ്. 5,520 പേർക്ക് കൂടി കൊവിഡ് സ്ഥിരീകരിച്ചു. 11,465 സാമ്പിളുകളാണ് പരിശോധനയ്ക്ക് എടുത്തത്. ജില്ലയിൽ ഇതുവരെ ആകെ 40,44,619 സാമ്പിളുകളാണ് പരിശോധനയ്ക്ക് അയച്ചത്. 48.15 ശതമാനം ആണ് ടി.പി.ആർ നിരക്ക്.

ജില്ലയിലെ വിവിധ ആശുപത്രികളിൽ ചികിത്സയിലുള്ള 840 പേരും വീട്ടുനിരീക്ഷണത്തിലുള്ള 20,130 പേരും ചേർന്ന് 26,490 പേരാണ് ആകെ രോഗബാധിതരായിട്ടുള്ളത്. 1,515 പേർ രോഗമുക്തരായി. ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 5,93,276 ആണ്. 5,63,373 പേരെയാണ് ആകെ രോഗമുക്തരായി ഡിസ്ചാർജ് ചെയ്തത്.

ജില്ലയിൽ ഇന്നലെ റിപ്പോർട്ട് ചെയ്ത 14 ക്ലസ്റ്ററുകളും ചേർത്ത് നിലവിൽ 79 ക്ലസ്റ്ററുകളാണുള്ളത്. ഇതിൽ വിദ്യാഭ്യാസ സ്ഥാപനങ്ങൾ, ഹോസ്റ്റലുകൾ, ആരോഗ്യ സ്ഥാപനങ്ങൾ, പോലീസ് സ്റ്റേഷൻ എന്നിവ ഉൾപ്പെടുന്നു.

ചൊവ്വാഴ്ചയിൽ

സമ്പർക്കം വഴി രോഗബാധ - 5,447

സംസ്ഥാനത്തിനു പുറത്തുനിന്നെത്തിയത് - 14

ആരോഗ്യ പ്രവർത്തകർക്ക് - 49

ഉറവിടം അറിയാത്തത് - 10

ക്ലസ്റ്ററുകൾ - 14

കൊ​വി​ഡ് ​വ്യാ​പ​നം​ ​ത​ട​യാ​ൻ​ ​സം​സ്ഥാ​നം​ ​പൂ​ർ​ണ​മാ​യും​ ​അ​ട​ച്ചി​ടാ​ൻ​ ​സ​ർ​ക്കാ​ർ​ ​ഇ​പ്പോ​ൾ​ ​ആ​ലോ​ചി​ക്കു​ന്നി​ല്ല.​ ​നി​യ​ന്ത്ര​ണ​ങ്ങ​ളോ​ടെ​ ​മു​ന്നോ​ട്ടു​പോ​വു​ക​ ​എ​ന്ന​താ​ണ് ​ല​ക്ഷ്യം.​ ​കൊ​വി​ഡ് ​നി​യ​ന്ത്ര​ണ​ങ്ങ​ളോ​ട് ​ജ​ന​ങ്ങ​ൾ​ ​സ​ഹ​ക​രി​ക്ക​ണം,​ ​ആ​ത്മ​ ​നി​യ​ന്ത്ര​ണം​ ​ഏ​ർ​പ്പെ​ടു​ത്ത​ണം.
-​ ​കെ.​ ​രാ​ജ​ൻ,​ ​റ​വ​ന്യൂ​മ​ന്ത്രി​ ​(​പു​ത്തൂ​ർ​ ​പ​ഞ്ചാ​യ​ത്തി​ലെ​ ​കൊ​വി​ഡ് ​അ​വ​ലോ​ക​ന​ ​യോ​ഗ​ത്തി​ൽ)