മുളങ്കുന്നത്തുകാവ്: പാറമേക്കാവ് ക്ഷേത്രത്തിലെ മുൻ കോമരം കോഞ്ചേരി റോഡ് കല്ലാറ്റ് ബാലകൃഷ്ണ കുറുപ്പ് (83) നിര്യാതനായി. പാറമേക്കാവ് ക്ഷേത്രത്തിൽ 33 വർഷം കോമരമായിരുന്നു. കോക്കുളങ്ങര ക്ഷേത്രത്തിലെയും കോമരമായിരുന്നു. തിരുവമ്പാടി ക്ഷേത്രത്തിൽ 13 വർഷം മേളക്കാരനായി. മുളങ്കുന്നത്തുകാവ് ധർമ്മശാസ്താ ക്ഷേത്രത്തിലെ കാരായ്മ ചെണ്ട അടിയന്തിരക്കാരനായിരുന്നു. പാറമേക്കാവ് കിഴക്കു വീട്ടിൽ ബാലൻ മേനോൻ പുരസ്‌കാരം, മുളങ്കുന്നത്തുകാവ് ധർമ്മശാസ്താ പുരസ്‌കാരം എന്നിവ ലഭിച്ചിട്ടുണ്ട്. ജില്ലയിലെ പ്രധാനക്ഷേത്രങ്ങളിലെ പല കോമരക്കാരും ഇദ്ദേഹത്തിന്റെ ശിഷ്യരാണ്. ഭാര്യ: സുഭദ്ര. മക്കൾ: ശിവശങ്കരൻ ( വാദ്യകലാകാരൻ, കളമെഴുത്ത് കലാകാരൻ ), സീതാലക്ഷ്മി (ആയുർവേദ കേന്ദ്രം), സീമന്തിനി, ശ്രീദേവി ( സിറ്റി ചാനൽ ). മരുമക്കൾ: ശ്രീകല (മനക്കുളം കോവിലകം, അംഗൻവാടി അദ്ധ്യാപിക), പരേതനായ നന്ദൻ, പരേതനായ പത്മനാഭൻ, രാജൻ.