മാള: പലരും അവഗണിച്ച മേഖലകളിലായിരുന്നു സി.ആർ തന്റെ പ്രവർത്തനം വ്യാപിപ്പിച്ചത്. കൃഷിയുടെ നാട്ടറിവും, നാടോടി കൈവേലകളും അദ്ദേഹം തന്റെ ശിഷ്യന്മാരിലേക്കും പകർന്നു. നാട്ടുവൈദ്യവും, നാട്ടുസംഗീതവും, കടലറിവും അങ്ങനെ നാടൻകലകളുമായി ബന്ധപ്പെട്ട എല്ലാ ഇടവഴികളിലൂടെയും സി.ആർ സഞ്ചരിച്ചു. ദളിതന്റെയും ആദിവാസികളുടേയും ആദിമസത്യങ്ങളിലേക്ക് നിസ്വാർത്ഥ മനുഷ്യനായ് അദ്ദേഹം സഞ്ചരിച്ചു. നാട്ടുസംഗീതത്തിലും, നാടൻ കൈവേലകളിലുമെല്ലാം സി.ആറിന്റെ കൈവിരൽപ്പാടുകൾ ആർക്കും മായ്ക്കാനാവാത്തതാണ്. നാട്ടുത്സവങ്ങളുടെ പിതാവ് കൂടിയായിരുന്നു അദ്ദേഹം. പല ഗ്രാമങ്ങളിലും സി.ആറിന്റെ നേതൃത്വത്തിൽ നാട്ടുത്സവങ്ങൾ സംഘടിപ്പിക്കപ്പെട്ടു. മാളയ്ക്കടുത്തുള്ള വടമ പറമ്പിൻകൂട്ടവും കരിന്തലക്കൂട്ടവും സംഘടിപ്പിച്ച വളവറ് ആരംഭിക്കുന്നത് സി.ആർ.രാജഗോപാലന്റ പ്രേരണ മൂലമായിരുന്നു. തുടർച്ചയായി പതിനാറ് വർഷം ഒമ്പതിലധികം വൈവിദ്ധ്യമാർന്ന നാടൻ കലകൾ വളവറിൽ അവതരിപ്പിക്കപ്പെട്ടു. തൃശൂർ നാട്ടറിവ് പഠനകേന്ദ്രത്തിന്റെ ഡയറക്ടറായ ഡോക്ടർ സി.ആർ.രാജഗോപാലൻ തൃശൂർ പി.ജി.സെന്ററിൽ മലയാളം അസോസിയേഷന്റെ ഉദ്ഘാടനത്തിനെത്തിയപ്പോഴാണ് കരിന്തലക്കൂട്ടം രമേഷിന്റെയും സുഹൃത്തുക്കളുടേയും നാടൻപാട്ട് കേൾക്കുന്നത്. സി.ആറാണ് കൂട്ടം എന്ന് ആ സംഘത്തിന് പേരിടുന്നത്. പിന്നീട് അത് കേരളം മുഴുവൻ അറിയപ്പെടുന്ന കരിന്തലക്കൂട്ടം എന്ന നാടൻപാട്ട് സംഘമായി. വയലി ആറങ്ങോട്ടുകര , തൈവ മക്കൾ തൃശൂർ എന്നീ നാടൻ പാട്ടുസംഘങ്ങളും സൃഷ്ടിക്കപ്പെട്ടത് സി.ആർ രാജഗോപാലന്റെ പ്രയത്‌നം മൂലമായിരുന്നു. കുഴൂർ, കുണ്ടൂർ, വടമ പ്രദേശങ്ങളിൽ നിന്നും നിരവധി നാടൻ പാട്ടുകളാണ് സി.ആറിന്റെ നേതൃത്വത്തിൽ കണ്ടെടുത്തത്.

സി.ആറിന്റെ മരണത്തോടെ നാട്ടറിവു പഠനങ്ങളുടെ നാഡീഞരമ്പാണ് മുറിഞ്ഞുപോകുന്നത്

രമേഷ്

കരിന്തലക്കൂട്ടം

നാ​ട്ട​റി​വു​ ​പ​ഠ​ന​ത്തി​ന്റെ​ ​പ​ര്യാ​യ​പ​ദ​മാ​യി​രു​ന്നു​ ​ഡോ​ക്ട​ർ​ ​സി.​ആ​ർ.​രാ​ജ​ഗോ​പാ​ല​ന്റെ​ ​ജീ​വി​തം.​ ​ഗോ​ത്ര​ ​സം​സ്‌​കൃ​തി​ക​ളി​ലൂ​ടെ​ ​അ​ത്ര​ ​സൂ​ക്ഷ്മ​ത​യോ​ടെ​ ​അ​ദ്ദേ​ഹം​ ​ക​ട​ന്നു​പോ​യി.​ ​തൃ​ശൂ​ർ​ ​നാ​ട്ട​റി​വു​ ​പ​ഠ​ന​കേ​ന്ദ്രം​ ​ഡ​യ​റ​ക്ട​ർ​ ​എ​ന്ന​ ​നി​ല​യി​ലും​ ​ഈ​ ​മേ​ഖ​ല​യി​ലെ​ ​എ​ണ്ണ​മ​റ്റ​ ​പ​ഠ​ന​ഗ്ര​ന്ഥ​ങ്ങ​ളി​ലൂ​ടെ​യും​ ​ത​ന്റെ​ ​പ്ര​തി​ഭ​ ​മു​ഴു​വ​ൻ​ ​സ​മൂ​ഹ​ത്തി​നു​ ​സ​മ​ർ​പ്പി​ച്ച​ ​അദ്ദേഹം​ ​കേ​ര​ള​വ​ർ​മ്മ​ ​കോ​ളേ​ജി​ൽ​ ​സ​ഹ​പ്ര​വ​ർ​ത്ത​ക​നുമാ​യി​രു​ന്നു​.

ഡോ​ക്ട​ർ​ ​ആ​ർ.​ബി​ന്ദു​ ​

​മ​ന്ത്രി​ ​