തിരുവനന്തപുരം: കണ്ണൂർ, കാലടി വി.സി നിയമന തർക്കങ്ങളിൽ നിന്നാരംഭിച്ച ഗവർണർ- സർക്കാർ നിഴൽ യുദ്ധം, രാഷ്ട്രപതിക്ക് ഓണററി ഡി-ലിറ്റ് നിഷേധിച്ചെന്ന ഗുരുതര ആരോപണത്തിന് വഴിമാറിയതോടെ

വിവാദം വഴിത്തിരിവിലേക്ക്.

രാജ്യത്തിന്റെ അന്തസ്സ് മാനിച്ച് പല കാര്യങ്ങളും വെളിപ്പെടുത്തുന്നില്ലെന്ന് ഗവർണർ പ്രതികരിച്ചതിന് പിന്നാലെയാണ് ,രാഷ്ട്രപതിക്ക് ഓണററി ഡി-ലിറ്റിന് ഗവർണർ ശുപാർശ ചെയ്തത് കേരള സർവകലാശാല നിരസിച്ചെന്നു ആപോപിച്ച് രമേശ് ചെന്നിത്തല രംഗത്തെത്തിയത്. രാഷ്ട്രപതിയെ കേരളം അപമാനിച്ചെന്നാരോപിച്ച് ബി.ജെ.പിയുമെത്തി.അതേസമയം, വി.സി നിയമനവുമായി ബന്ധപ്പെട്ട ഗവർണറുടെ വിവാദ വെളിപ്പെടുത്തലുകൾ ആയുധമാക്കി സർക്കാരിനെയും, ഉന്നത വിദ്യാഭ്യാസ മന്ത്രിയെയും പ്രതിക്കൂട്ടിലാക്കാൻ ശ്രമിക്കുന്നതിനിടിടെയുണ്ടായ ഡി-ലിറ്റ് വിവാദം രാഷ്ട്രീയ ശ്രദ്ധ വഴി തിരിച്ചുവിടുമോയെന്ന ആശങ്ക പ്രതിപക്ഷനേതാവ് വി.ഡി. സതീശന്റെ പ്രതികരണത്തിലുണ്ടായി. കണ്ണൂർ വി.സി കേസ് ഹൈക്കോടതി സിംഗിൾബെഞ്ച് തള്ളിക്കളഞ്ഞത് സർക്കാരിന് ആശ്വാസമായെങ്കിലും, അപ്പീൽ ഡിവിഷൻ ബെഞ്ചിലുണ്ട്. പുതിയ സംഭവവികാസങ്ങളുടെ പശ്ചാത്തലത്തിൽ കേസ് മുറുകുന്നതോടെ സർക്കാർ വെട്ടിലാകുമെന്ന് പ്രതിപക്ഷം കണക്കുകൂട്ടുന്നു.

ഗവർണറെ കടന്നാക്രമിച്ച സതീശൻ, ഹൈക്കോടതി ഡിവിഷൻ ബെഞ്ചിന്റെ നോട്ടീസ് കൈപ്പറ്റാതിരുന്ന ഗവർണറുടെ കൗശലത്തെയും പരിഹസിച്ചു. സതീശൻ- ചെന്നിത്തല ശീതസമരത്തിന്റെ ബഹിർസ്ഫുരണമായി കാര്യങ്ങൾ വ്യാഖ്യാനിക്കപ്പെട്ടതോടെ കോൺഗ്രസിലെ അനൈക്യമെന്ന നിലയിലും വിഷയം ചർച്ചയായി.

സർക്കാരിനെ വെട്ടിലാക്കാൻ ചെന്നിത്തല ഉയർത്തിയ ഡി-ലിറ്റ് വിവാദം ബി.ജെ.പി ഏറ്റെടുത്തതോടെയാണ് മറ്റൊരു ദിശയിലേക്ക് വഴി മാറിയത്.

ഹൈക്കോടതി ഡിവിഷൻ ബെഞ്ചിന്റെ നോട്ടീസിൽ മറുപടി നൽകുമ്പോൾ ഗവർണർക്ക് ഇപ്പോഴത്തെ നിലപാടനുസരിച്ച് സർക്കാരിനെ തള്ളിപ്പറയേണ്ടി വരും. അതദ്ദേഹം സിംഗിൾ ബെഞ്ചിന് കൊടുത്ത മറുപടിക്ക് കടക വിരുദ്ധമാകും. കോടതിയിൽ രണ്ടുതരം നിലപാടെടുത്ത് പരിഹാസ്യനാകുന്ന ഗവർണറെയും സർക്കാരിനെയും ഒരുപോലെ വെട്ടിലാക്കാനുള്ള തന്ത്രമാണ് സതീശൻ പയറ്റുന്നത്. ഗവർണറുടെ ആരോപണങ്ങളെ അവഗണിച്ച് തള്ളാനാണ് സി.പി.എമ്മിന്റെയും സർക്കാരിന്റെയും തീരുമാനം.

 ​മു​ഖ്യ​മ​ന്ത്രി മി​ണ്ട​ണ​മെ​ന്ന് ​വി.​ മു​ര​ളീ​ധ​രൻ

രാ​ഷ്ട്ര​പ​തി​ക്ക് ​ഡി​ ​ലി​റ്റ് ​നി​ഷേ​ധി​ച്ച​ ​സം​ഭ​വ​ത്തി​ൽ,​ ​മു​ഖ്യ​മ​ന്ത്രി​ ​പി​ണ​റാ​യി​ ​വി​ജ​യ​ൻ​ ​മ​റു​പ​ടി​ ​പ​റ​യ​ണ​മെ​ന്ന് ​കേ​ന്ദ്ര​മ​ന്ത്രി​ ​വി.​ ​മു​ര​ളീ​ധ​ര​ൻ​ ​തൃ​ശൂ​രി​ൽ​ ​മാ​ദ്ധ്യ​മ​ ​പ്ര​വ​ർ​ത്ത​ക​രോ​ട് ​പ​റ​ഞ്ഞു.​ ​രാ​ജ്യ​ത്തി​ന്റെ​ ​അ​ന്ത​സി​ന് ​ക​ള​ങ്കം​ ​വ​രു​ത്തു​ന്ന​ ​ന​ട​പ​ടി​യാ​ണ് ​സം​സ്ഥാ​ന​ ​സ​ർ​ക്കാ​രി​ന്റെ​ ​ഭാ​ഗ​ത്ത് ​നി​ന്നു​ണ്ടാ​കു​ന്ന​ത്.​ ​രാ​ഷ്ട്ര​പ​തി​ക്ക് ​ഓ​ണ​റ​റി​ ​ഡി​ ​ലി​റ്റ് ​നി​ഷേ​ധി​ക്കാ​നു​ള്ള​ ​അ​യോ​ഗ്യ​ത​ ​എ​ന്താ​ണെ​ന്ന് ​മു​ഖ്യ​മ​ന്ത്രി​ ​പ​റ​യ​ണം.​ ​ഉ​ന്ന​ത​വി​ദ്യാ​ഭ്യാ​സ​ ​മ​ന്ത്രി​യെ​ ​ബ​ലി​യാ​ടാ​ക്കേ​ണ്ട​ ​കാ​ര്യ​മി​ല്ല.​ ​രാ​ഷ്ട്ര​പ​തി​ക്ക് ​ഡി​ലി​റ്റ് ​ന​ൽ​ക​രു​തെ​ന്നു​ള്ള​ ​നി​ർ​ദേ​ശം​ ​സ​ർ​ക്കാ​ർ​ ​ന​ൽ​കി​യോ​ ​?.​ ​പു​റ​ത്തു​വ​ന്നി​ട്ടു​ള്ള​ ​വാ​ർ​ത്ത​ ​രാ​ജ്ഭ​വ​ൻ​ ​നി​ഷേ​ധി​ച്ചി​ട്ടി​ല്ലെ​ന്ന​ത് ​വാ​ർ​ത്ത​ ​ശ​രി​യാ​ണെ​ന്ന​ ​സൂ​ച​ന​ ​ന​ൽ​കു​ന്നു.​ ​സ​ർ​ക്കാ​ർ​ ​രാ​ഷ്ട്ര​പ​തി​യെ​ ​അ​പ​മാ​നി​ക്കു​ക​യാ​ണ്.
ക്ര​മ​വി​രു​ദ്ധ​മാ​യി​ ​പ്ര​വ​ർ​ത്തി​ക്കാ​ൻ​ ​ഗ​വ​ർ​ണ​ർ​ക്ക് ​മേ​ൽ​ ​സ​ർ​ക്കാ​ർ​ ​സ​മ്മ​ർ​ദം​ ​ചെ​ലു​ത്തു​ന്നു.​ ​പ്ര​തി​പ​ക്ഷ​ ​നേ​താ​വി​ന്റെ​ ​നാ​വ് ​സ​ർ​ക്കാ​രി​ന് ​ക​ടം​ ​കൊ​ടു​ത്തി​രി​ക്കു​ക​യാ​ണ്.​ ​ഇ​നി​യെ​ങ്കി​ലും​ ​സ​ർ​ക്കാ​രി​ന്റെ​ ​ച​ട്ട​വി​രു​ദ്ധ​ ​ന​ട​പ​ടി​ക​ളെ​ ​എ​തി​ർ​ക്കാ​ൻ​ ​വി.​ഡി.​ ​സ​തീ​ശ​ൻ​ ​ത​യ്യാ​റാ​ക​ണം.