തിരുവനന്തപുരം : സംസ്ഥാനത്ത് ഇന്നലെ 2435 പേർ കൂടി കൊവി‌ഡ് ബാധിതരായി. 24 മണിക്കൂറിനിടെ 48,658 സാമ്പിളുകളാണ് പരിശോധിച്ചത്. 5ശതമാനമാണ് ടെസ്റ്റ് പോസിറ്റിവിറ്റി നിരക്ക്.

കഴിഞ്ഞ ദിവസങ്ങളിലുണ്ടായ 22 മരണങ്ങളാണ് റിപ്പോർട്ട് ചെയ്തത്. ഇതുകൂടാതെ അപ്പീൽ നൽകിയ 219 മരണങ്ങളും പട്ടികയിൽ ഉൾപ്പെടുത്തിയത്. ഇന്നലെ രോഗം സ്ഥിരീകരിച്ചവരിൽ 2,241പേർ സമ്പർക്കരോഗികളാണ്. 134 പേരുടെ സമ്പർക്ക ഉറവിടം വ്യക്തമല്ല. 38 പേരാണ് സംസ്ഥാനത്തിന് പുറത്തുനിന്ന് വന്നത്. 22ആരോഗ്യപ്രവർത്തകരും രോഗബാധിതരായി. ചികിത്സയിലായിരുന്ന 2704 പേർ രോഗമുക്തിയും നേടി. അഞ്ച് തദ്ദേശ സ്വയംഭരണ പ്രദേശങ്ങളിലായി ആറ് വാർഡുകളാണ് പ്രതിവാര ഇൻഫെക്‌ഷൻ പോപ്പുലേഷൻ റേഷ്യോ പത്തിന് മുകളിലുള്ളത്.