ഉഴമലയ്ക്കൽ: ജില്ലാ ഖോ ഖോ അസോസിയേഷന്റെയും ഉഴമലയ്ക്കൽ ശ്രീനാരായണ ഹയർ സെക്കൻഡറി സ്കൂളിന്റെയും ആഭിമുഖ്യത്തിൽ പുരുഷ വനിതാ വിഭാഗങ്ങളിലെ ജില്ലാ ഒളിമ്പിക്സ് ഖോഖോ മത്സരങ്ങൾ ഉഴമലയ്ക്കൽ ശ്രീനാരായണ ഹയർ സെക്കൻഡറി സ്കൂളിലെ ഫ്ലഡ്ലിറ്റ് ഗ്രൗണ്ടിൽ മന്ത്രി ജി.ആർ. അനിൽ ഉദ്ഘാടനം ചെയ്തു. ജി.സ്റ്റീഫൻ.എം.എൽ.എ അദ്ധ്യക്ഷത വഹിച്ചു. സ്വാഗത സംഘം ചെയർപേഴ്സൺ ഉഴമലയ്ക്കൽ ഗ്രാമ പഞ്ചായത്ത് പ്രസിഡന്റ് ജെ. ലളിത മുഖ്യ പ്രഭാഷണം നടത്തി. ഖോഖോ അസോസിയേഷൻ പ്രസിഡന്റ് കെ.എസ്. ബാലഗോപാൽ മുഖ്യാതിഥിയായി. ഗ്രാമ പഞ്ചായത്ത് വൈസ് പ്രസിഡന്റ് എസ്. ശേഖരൻ,സ്കൂൾ മാനേജർ ഉഴമലയ്ക്കൽ വേണുഗോപാൽ,പി.ടി.എ പ്രസിഡന്റ് ബിജു,ബ്ലോക്ക് പഞ്ചായത്തംഗം കണ്ണൻ.എസ്.ലാൽ,ഉഴമലയ്ക്കൽ ശാഖാ പ്രസിഡന്റ് ഷൈജുപരുത്തിക്കുഴി, സെക്രട്ടറി സി. വിദ്യാധരൻ, സി.പി.എം വിതുര ഏരിയാ സെക്രട്ടറി എൻ. ഷൗക്കത്തലി,വാർഡ് മെമ്പർ ജയരാജ്,ജി.വി.പിള്ള,ജി.രാധാകൃഷ്ണൻ നായർ,പ്രിൻസിപ്പൽ ബി.സുരേന്ദ്രനാഥ്,ഗ്രാമ പഞ്ചായത്തംഗം എം. അനിൽകുമാർ,സ്റ്റാഫ് സെക്രട്ടറി ടി.അനിൽകുമാർ എന്നിവർ സംസാരിച്ചു.ഉദ്ഘാടന ചടങ്ങിന് ശേഷം മത്സരങ്ങൾ ആരംഭിച്ചു. ഇന്ന് നടക്കുന്ന സമാപന സമ്മേളനം ഉദ്ഘാടനവും സമ്മാനദാനവും അടൂർ പ്രകാശ് എം.പി നിർവഹിക്കും. ജില്ലാ സ്പോർട്സ് കൗൺസിൽ പ്രസിഡന്റ് എസ്.എസ്. സുധീർ മുഖ്യ പ്രഭാഷണം നടത്തും.