തിരുവനന്തപുരം: കേരള സർവകലാശാല സെനറ്റിലേക്ക് സി.ആർ. മഹേഷ് എം.എൽ.എയുടെ നാമനിർദ്ദേശപത്രിക വൈസ് ചാൻസലർ അംഗീകരിച്ചു. ഇലക്‌ഷൻ സ്റ്റാറ്റ്യൂട്ടിലെ വ്യവസ്ഥകളിൽ ഉൾപ്പെടാത്ത സാങ്കേതിക കാരണം ചൂണ്ടിക്കാട്ടി എം.എൽ.എയുടെ നാമനിർദ്ദേശപത്രിക തള്ളിയ രജിസ്ട്രാറുടെ നടപടി തെറ്റാണെന്ന് ഹൈക്കോടതി വിലയിരുത്തിയിരുന്നു. തുടർന്നാണ് ഹൈക്കോടതി നിർദ്ദേശപ്രകാരം ഹിയറിംഗ് നടത്തിയ വി.സി പത്രിക സ്വീകരിക്കാൻ ഉത്തരവിട്ടത്. നാമനിർദ്ദേശ പത്രികയോടൊപ്പമുള്ള സത്യവാങ്മൂലം സംബന്ധിച്ച് ഹൈക്കോടതി നടത്തിയിട്ടുള്ള നിരീക്‌ഷണം ഉൾപ്പെടെ സമാനമായ ഒട്ടേറെ വിധിന്യായങ്ങൾ ഹിയറിംഗ് വേളയിൽ വി.സിയുടെ പരിഗണനയ്ക്കായി ഹാജരാക്കിയിരുന്നു.