തിരുവനന്തപുരം:കൊവിഡ് വ്യാപന നിരക്ക് ഉയർന്നതിനെ തുടർന്ന് കോർപ്പറേഷനിലെ കവടിയാർ റസിഡന്റ്സ് അസോസിയേഷൻ വാർഡിനെ മൈക്രോ കണ്ടെയ്ൻമെന്റ് സോണായും കരകുളം പഞ്ചായത്തിലെ 12 വാർഡുകളെ കണ്ടെയ്ന്റ് സോണായും കളക്ടർ ഡോ.നവ്‌ജ്യോത് ഖോസ പ്രഖ്യാപിച്ചു.

കരകുളം പഞ്ചായത്തിലെ കണ്ടെയ്ൻമെന്റ് സോണുകൾ
വട്ടപ്പാറ വെസ്റ്റ്, വട്ടപ്പാറ ഈസ്റ്റ്, കരയാളത്തുകോണം, പ്ലാത്തറ, വേങ്കോട്, ആറാംകല്ല്, കരകുളം, മുക്കോല, ഏണിക്കര, കല്ലയം, മരുതൂർ, കഴുനാട്

ഈ മേഖലയിലെ നിയന്ത്രങ്ങൾ

ഭക്ഷ്യവസ്തുക്കൾ,പലചരക്ക്,പഴങ്ങൾ,പച്ചക്കറികൾ,പാൽ ഉത്പന്നങ്ങൾ,മാംസം,മത്സ്യം, മൃഗങ്ങൾക്കുള്ള ഭക്ഷ്യസാധനങ്ങൾ, കാലിത്തീറ്റ, കോഴിത്തീറ്റ തുടങ്ങിയവ വിൽക്കുന്ന കടകൾ, ബേക്കറികൾ എന്നിവയ്ക്കു മാത്രമേ ഈ പ്രദേശങ്ങളിൽ പ്രവർത്തനാനുമതിയുള്ളൂ. രാവിലെ 7 മുതൽ രാത്രി 7 മണി വരെ തുറക്കാം.

റേഷൻ കടകൾ, മാവേലി സ്റ്റോറുകൾ, സപ്ലൈകോ ഷോപ്പുകൾ, മിൽമ ബൂത്തുകൾ തുടങ്ങിയവ വൈകിട്ട് അഞ്ചു വരെ തുറക്കാം.

റസ്റ്റോറന്റുകളും ഹോട്ടലുകളും രാവിലെ ഏഴു മുതൽ രാത്രി 7.30 വരെ ഹോം ഡെലിവറിക്കു മാത്രമായി തുറക്കാം. ഡൈൻഇൻ അനുവദിക്കില്ല.

റ്റുള്ള എല്ലാ കടകളും അടച്ചിടും. ചന്തകൾ അനുവദിക്കില്ല.

ഇകൊമേഴ്സ് സ്ഥാപനങ്ങൾ ഡെലിവറിക്കായി രാവിലെ ഏഴു മുതൽ ഉച്ചയ്ക്കു രണ്ടു വരെ പ്രവർത്തിക്കാം.

ഈ മേഖലകൾ ശക്തമായ പൊലീസ് നിയന്ത്രണത്തിലായിരിക്കും