തിരുവനന്തപുരം: കൊവിഡ് വ്യാപനം കണക്കിലെടുത്ത്, ദുരിതാവസ്ഥയിലുള്ളവർക്ക് ഭക്ഷണ സൗകര്യമൊരുക്കാനായി സംസ്ഥാനത്തെ എല്ലാ തദ്ദേശസ്ഥാപനങ്ങളിലും നേരത്തേയുണ്ടായിരുന്ന സമൂഹ അടുക്കളകൾ പുനഃസ്ഥാപിക്കാൻ മന്ത്രിസഭായോഗം നിർദ്ദേശിച്ചു. കമ്മ്യൂണിറ്റി കിച്ചനോ ജനകീയ ഹോട്ടലുകളോ മുഖേന രോഗികൾക്ക് ഭക്ഷണമെത്തിക്കാൻ ഫലപ്രദമായ ഇടപെടലുകൾ തദ്ദേശ സ്ഥാപനങ്ങൾ നടത്തണം. പ്രദേശത്ത് നേരത്തേ ഉണ്ടായിരുന്ന കമ്മ്യൂണിറ്റി കിച്ചനുകൾ കൊവിഡ് രൂക്ഷത കുറഞ്ഞതിനെ തുടർന്ന് നിറുത്തലാക്കിയിരുന്നു.

തദ്ദേശ സ്ഥാപനങ്ങൾ അതത് പ്രദേശത്തെ കൊവിഡ് വ്യാപനം സംബന്ധിച്ച് ആഴ്ചയിലൊരിക്കൽ മോണിറ്ററിംഗ് നടത്തണം. വാർഡുതല ജാഗ്രതാസമിതി യോഗങ്ങൾ ആഴ്ചയിലൊരു ദിവസം ചേരണം. സി കാറ്റഗറി ജില്ലകളിൽ വാർഡുതലസമിതികൾ ആഴ്ചയിൽ രണ്ടുതവണയെങ്കിലും ചേർന്ന് സ്ഥിതിഗതികൾ വിലയിരുത്തണമെന്ന് മന്ത്രിസഭായോഗ തീരുമാനത്തിന്റെ അടിസ്ഥാനത്തിൽ തദ്ദേശഭരണ മന്ത്രി എം.വി. ഗോവിന്ദൻ നിർദ്ദേശം നൽകി.

തദ്ദേശ സ്ഥാപനതലത്തിൽ പ്രാഥമിക കരുതൽ ചികിത്സാകേന്ദ്രങ്ങൾ (സി.എഫ്.എൽ.ടി.സി), ഡി.സി.സികൾ എന്നിവയിൽ രോഗികൾക്ക് ആവശ്യമുള്ള സൗകര്യമൊരുക്കാൻ യുദ്ധകാലാടിസ്ഥാനത്തിൽ നടപടി വേണം. ഇത്തരം സംവിധാനങ്ങൾ ജില്ലാ കേന്ദ്രങ്ങളിൽ മാത്രം ഒതുങ്ങരുത്. വാർഡുതല ജാഗ്രതാസമിതികൾ മുഖേന സി.എഫ്.എൽ.ടി.സി സൗകര്യങ്ങളുടെ വിവരം തദ്ദേശസ്ഥാപനങ്ങൾ ജനങ്ങളിലെത്തിക്കണം. കൊവിഡ് ബാധിച്ച് മരിച്ചവരുടെ കുടുംബത്തിനുള്ള എക്സ്ഗ്രേഷ്യ ധനസഹായം അർഹതപ്പെട്ടവർക്കെല്ലാം ലഭ്യമാക്കാൻ ജനപ്രതിനിധികൾ മുൻകൈയെടുക്കണം. ഇനിയും അപേക്ഷിക്കാത്തവരെ അപേക്ഷ സമർപ്പിക്കാൻ പ്രേരിപ്പിക്കണം. അതിനായി തുടർ ഇടപെടലുണ്ടാകണം.

വാർറൂമും റാപ്പിഡ് റെസ്പോൺസ് ടീമുകളും പുനഃസംഘടിപ്പിച്ചിട്ടില്ലാത്ത തദ്ദേശ സ്ഥാപനങ്ങൾ യുദ്ധകാലാടിസ്ഥാനത്തിൽ അത് ചെയ്യണം. കൊവിഡ് പ്രതിരോധപ്രവർത്തനങ്ങളുടെ ഭാഗമായി തദ്ദേശസ്ഥാപനങ്ങൾ ചൂണ്ടിക്കാട്ടിയ പ്രശ്നങ്ങൾ പരിഹരിക്കാൻ സർക്കാർ ഇടപെടുമെന്ന് മുഖ്യമന്ത്രി അറിയിച്ചതായി മന്ത്രി പറഞ്ഞു.

 ലോ​ക്ഡൗൺ കാ​ല​ത്തെ​ ​വി​ജ​യ​ ​ഫോ​ർ​മുല

​ലോ​ക് ​ഡൗ​ൺ​ ​കാ​ല​ത്ത് ​ആ​രും​ ​പ​ട്ടി​ണി​ ​കി​ട​ക്കാ​തി​രി​ക്കാ​ൻ​ ​സം​സ്ഥാ​ന​ത്ത് ​ന​ട​ത്തി​യി​രു​ന്ന​ ​സ​മൂ​ഹ​ ​അ​ടു​ക്ക​ള​ക​ൾ​ ​ഏ​റെ​ ​പ്ര​ശം​സ​ ​പി​ടി​ച്ചു​പ​റ്റി​യി​രു​ന്നു.​ ​കൊ​വി​ഡ് ​മൂ​ന്നാം​ ​ത​രം​ഗം​ ​രൂ​ക്ഷ​മാ​കു​ന്ന​ ​സാ​ഹ​ച​ര്യ​ത്തി​ൽ​ ​ഇ​വ​ ​വീ​ണ്ടും​ ​തു​ട​ങ്ങാ​നു​ള്ള​ ​മ​ന്ത്രി​സ​ഭാ​യോ​ഗ​ ​നി​ർ​ദ്ദേ​ശം​ ​നി​ർ​ദ്ധ​ന​രാ​യ​വ​ർ​ക്ക് ​ഏ​റെ​ ​സ​ഹാ​യ​ക​ര​മാ​കും.​ ​ത​ദ്ദേ​ശ​ ​സ്ഥാ​പ​ന​ങ്ങ​ൾ​ ​ആ​വ​ശ്യാ​നു​സ​ര​ണ​മാ​കും​ ​ഇ​വ​ ​തു​ട​ങ്ങു​ക.

ദു​ർ​ബ​ല​ ​വി​ഭാ​ഗ​ങ്ങ​ളി​ൽ​ ​നി​ന്ന് ​അ​ർ​ഹ​രു​ടെ​ ​പ​ട്ടി​ക​ ​ത​ദ്ദേ​ശ​സ്ഥാ​പ​ന​ങ്ങ​ൾ​ ​ത​യ്യാ​റാ​ക്കും.​ ​ഭ​ക്ഷ​ണം​ ​ആ​വ​ശ്യ​മു​ള്ള​ ​കി​ട​പ്പു​രോ​ഗി​ക​ൾ,​ ​പാ​ലി​യേ​റ്റീ​വ്‌​ ​കെ​യ​റി​ലു​ള്ള​വ​ർ,​ ​മ​ത്സ്യ​ത്തൊ​ഴി​ലാ​ളി​ ​ഗ്രാ​മ​ങ്ങ​ളി​ലു​ള്ള​വ​ർ,​ ​പ​ട്ടി​ക​ജാ​തി​-​പ​ട്ടി​ക​വ​ർ​ഗ​ ​കോ​ള​നി​ക​ളി​ലു​ള്ള​വ​ർ​ ​എ​ന്നി​വ​രെ​യാ​കും​ ​പ്ര​ധാ​ന​മാ​യും​ ​ഉ​ൾ​പ്പെ​ടു​ത്തു​ക.​ ​തൊ​ഴി​ൽ​വ​കു​പ്പു​മാ​യി​ ​ച​ർ​ച്ച​ ​ന​ട​ത്തി​യ​ ​ശേ​ഷ​മാ​കും​ ​ഇ​ത​ര​സം​സ്ഥാ​ന​ ​തൊ​ഴി​ലാ​ളി​ക​ളു​ടെ​ ​ക്യാ​മ്പി​ലു​ള്ള​വ​ർ​ക്ക്‌​ ​ഭ​ക്ഷ​ണ​മെ​ത്തി​ക്കു​ന്ന​ ​കാ​ര്യ​ത്തി​ൽ​ ​തീ​രു​മാ​നം.​ ​അ​ഗ​തി​ര​ഹി​ത​ ​കേ​ര​ളം​ ​പ​ദ്ധ​തി​യി​ലു​ൾ​പ്പെ​ട്ട​വ​ർ,​ ​ഭി​ക്ഷാ​ട​ക​ർ​ ​എ​ന്നി​വ​രെ​യും​ ​പ​രി​ഗ​ണി​ക്കും.

പാ​ഴ്‌​സ​ലു​ക​ൾ​ ​വീ​ട്ടി​ലെ​ത്തി​ക്കാ​നു​ള്ള​ ​ചെ​ല​വ്‌​ ​ത​ദ്ദേ​ശ​സ്ഥാ​പ​ന​ങ്ങ​ൾ​ ​വ​ഹി​ക്കും.​ ​സ​ന്ന​ദ്ധ​പ്ര​വ​ർ​ത്ത​ക​രാ​കും​ ​ഇ​വ​ ​എ​ത്തി​ക്കു​ക.​ ​അ​വ​ശ്യ​ഘ​ട്ട​ങ്ങ​ളി​ൽ​ ​കു​ടും​ബ​ശ്രീ​ക്കാ​രെ​യും​ ​നി​യോ​ഗി​ക്കും.​ ​ലോ​ക് ​ഡൗ​ൺ​ ​കാ​ല​ത്ത് 14​ ​ജി​ല്ല​ക​ളി​ലാ​യി​ 1300​ഓ​ളം​ ​സ​മൂ​ഹ​ ​അ​ടു​ക്ക​ള​ക​ൾ​ ​ഉ​ണ്ടാ​യി​രു​ന്നു.​ ​ഇ​തു​കൂ​ടാ​തെ​ 250​ഓ​ളം​ ​കു​ടും​ബ​ശ്രീ​ ​ജ​ന​കീ​യ​ ​ഹോ​ട്ട​ലു​ക​ളും​ ​പ്ര​വ​ർ​ത്തി​ച്ചി​രു​ന്നു.

 തദ്ദേശസ്ഥാപന അദ്ധ്യക്ഷന്മാരുടെ യോഗം മന്ത്രിമാർ വിളിക്കും

കൊവിഡ് വ്യാപനം തടയാനും ചികിത്സാക്രമീകരണം ഒരുക്കാനുമായി ജില്ലകളുടെ ചുമതലയുള്ള മന്ത്രിമാർ അതത് ജില്ലകളിൽ തദ്ദേശസ്ഥാപന അദ്ധ്യക്ഷന്മാരുടെ യോഗം വിളിക്കാനും മന്ത്രിസഭായോഗം തീരുമാനിച്ചു. ജില്ലകളിലെ ചികിത്സാ സംവിധാനങ്ങൾ മന്ത്രിമാർ വിലയിരുത്തും. പ്രാഥമിക കരുതൽ ചികിത്സാകേന്ദ്രങ്ങൾ എല്ലാ തദ്ദേശസ്ഥാപനങ്ങളിലും തുടങ്ങുക, രോഗികളായവരുടെ വീടുകളിൽ സമൂഹ അടുക്കളകൾ വഴി ഭക്ഷണമെത്തിക്കുക, വാർഡുതല ജാഗ്രതാസമിതികൾ എല്ലാ ആഴ്ചയിലും ചേർന്ന് സ്ഥിതിഗതികൾ വിലയിരുത്താനാവശ്യമായ ക്രമീകരണമൊരുക്കുക, തദ്ദേശസ്ഥാപന തലത്തിലെ കൊവിഡ് നിരീക്ഷണം ആഴ്ച തോറും നടത്താൻ ക്രമീകരണമൊരുക്കുക തുടങ്ങിയ കാര്യങ്ങൾ നടപ്പാക്കാനാവശ്യമായ നിർദ്ദേശങ്ങൾ നൽകും.