കണിയാരം: ഡിവൈഎഫ്‌ഐ കണിയാരം യൂണിറ്റ് കമ്മിറ്റിയുടെ നേതൃത്വത്തിൽ ക്രിസ്മസ് കരോൾ നടത്തി ലഭിച്ച മുഴുവൻ തുകയ്ക്കും പാലിയേറ്റീവ് ഉപകരണങ്ങൾ വാങ്ങിനൽകി. പാലിയേറ്റീവ് ഉപകരണങ്ങൾ ഡിവൈഎഫ്‌ഐ മാനന്തവാടി ബ്ലോക്ക് സെക്രട്ടറി കെ.ആർ.ജിതിൻ മാനന്തവാടി സ്പർശം പാലിയേറ്റീവ് സൊസൈറ്റി കൺവീനർ പി.ടി.ബിജുവിന് കൈമാറി. നജീബ് അദ്ധ്യക്ഷനായി. പി.ടി.ബിജു, എ.കെ.റൈഷാദ്, കെ.വി.ജുബൈർ, പി.ജി.വിജയൻ, കെ.ജി.ജോയി രാജു മൈക്കിൾ, എ.സോമദാസ് എന്നിവർ സംസാരിച്ചു.