കൽപ്പറ്റ: ജില്ലയിൽ ഇന്നലെ 80 പേർക്ക് കൂടി കൊവിഡ് സ്ഥിരീകരിച്ചതായി ജില്ലാ മെഡിക്കൽ ഓഫീസർ ഡോ. കെ.സക്കീന അറിയിച്ചു. 99 പേർ രോഗമുക്തി നേടി. 72 പേർക്ക് സമ്പർക്കത്തിലൂടെയാണ് രോഗബാധ. ഒരു ആരോഗ്യപ്രവർത്തകക്കും രോഗം സ്ഥിരീകരിച്ചു. ടെസ്റ്റ് പോസിറ്റിവിറ്റി റേറ്റ് 4.60.
ഇതോടെ ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 1,35,659 ആയി. 1,34,203 പേർ രോഗമുക്തരായി. നിലവിൽ 671 പേരാണ് ചികിത്സയിലുള്ളത്. ഇവരിൽ 629 പേർ വീടുകളിലാണ് ഐസൊലേഷനിൽ കഴിയുന്നത്. പുതുതായി നിരീക്ഷണത്തിലായ 650 പേർ ഉൾപ്പെടെ ആകെ 6972 പേർ നിലവിൽ നിരീക്ഷണത്തിലുണ്ട്. ജില്ലയിൽ നിന്ന് 654 സാമ്പിളുകൾ ഇന്ന് പരിശോധനയ്ക്ക് അയച്ചതായി ജില്ലാ മെഡിക്കൽ ഓഫീസർ അറിയിച്ചു.

രോഗം സ്ഥിരീകരിച്ചവർ
പുൽപ്പള്ളി 19 , മുള്ളൻകൊല്ലി, ബത്തേരി 6 വീതം, കൽപ്പറ്റ 5, മാനന്തവാടി , അമ്പലവയൽ, പൂതാടി 4 വീതം, പനമരം, കണിയാമ്പറ്റ, തിരുനെല്ലി 3 വീതം, എടവക, മുട്ടിൽ, മീനങ്ങാടി, മൂപ്പൈനാട്, പടിഞ്ഞാറത്തറ, തവിഞ്ഞാൽ 2 വീതം, നെന്മേനി, നൂൽപ്പുഴ, വെള്ളമുണ്ട ഓരോർത്തർക്കുമാണ് സമ്പർക്കത്തിലൂടെ രോഗം സ്ഥിരീകരിച്ചത്.
ദുബായിൽ നിന്ന് വന്ന എടവക, പനമരം, കൽപറ്റ, മുട്ടിൽ സ്വദേശികൾക്കും ഓസ്‌ട്രേലിയയിൽ നിന്ന് വന്ന മാനന്തവാടി സ്വദേശിക്കും കർണാടകയിൽ നിന്ന് വന്ന വൈത്തിരി സ്വദേശിക്കും തമിഴ്നാട്ടിൽ നിന്ന് വന്ന പുൽപ്പള്ളി സ്വദേശികൾക്കും രോഗം സ്ഥിരീകരിച്ചു.