കൽപ്പറ്റ: ജില്ലയിൽ ഇന്നലെ 119 പേർക്ക് കൂടി കൊവിഡ് സ്ഥിരീകരിച്ചു. 43 പേർ രോഗമുക്തി നേടി. 111 പേർക്ക് സമ്പർക്കത്തിലൂടെയാണ് രോഗബാധ. മൂന്ന് ആരോഗ്യപ്രവർത്തകർക്കും രോഗം സ്ഥിരീകരിച്ചു. ടെസ്റ്റ് പോസിറ്റിവിറ്റി റേറ്റ് 7.86 ആണ്. ഇതോടെ ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 1,36,354 ആയി. 1,34,591 പേർ രോഗമുക്തരായി. നിലവിൽ 889 പേരാണ് ചികിത്സയിലുള്ളത്. ഇവരിൽ 860 പേർ വീടുകളിലാണ് ഐസൊലേഷനിൽ കഴിയുന്നത്. കൊവിഡ് മരണം 755.
പുതുതായി നിരീക്ഷണത്തിലായത് 1123 പേർ. ജില്ലയിൽ നിന്ന് 1111 സാമ്പിളുകൾ ഇന്ന് പരിശോധനയ്ക്ക് അയച്ചു.

ബത്തേരി 14, പുൽപ്പള്ളി 13, കൽപ്പറ്റ 10, മുള്ളൻകൊല്ലി 9, പൂതാടി, മുട്ടിൽ 8 വീതം, മൂപ്പൈനാട് 7, മാനന്തവാടി, പനമരം, നെന്മേനി 4 വീതം, അമ്പലവയൽ, കണിയാമ്പറ്റ, കോട്ടത്തറ, നൂൽപ്പുഴ, പടിഞ്ഞാറത്തറ 3 വീതം, എടവക, മേപ്പാടി, പൊഴുതന, തിരുനെല്ലി, തൊണ്ടർനാട്, വൈത്തിരി 2 വീതം, തവിഞ്ഞാൽ, മീനങ്ങാടി, വെങ്ങപ്പള്ളി ഓരോരുത്തർക്കുമാണ് സമ്പർക്കത്തിലൂടെ രോഗം സ്ഥിരീകരിച്ചത്. ഇതിനുപുറമെ സൗദിയിൽ നിന്ന് വന്ന മാനന്തവാടി സ്വദേശിക്കും മഹാരാഷ്ട്രയിൽ നിന്ന് വന്ന അമ്പലവയൽ, പുൽപ്പള്ളി സ്വദേശികൾക്കും കർണാടകയിൽ നിന്ന് വന്ന രണ്ട് കൽപ്പറ്റ സ്വദേശികൾക്കും പുൽപ്പള്ളി സ്വദേശിക്കും തമിഴ്നാട്ടിൽ നിന്ന് വന്ന മീനങ്ങാടി, ബത്തേരി സ്വദേശികൾക്കും രോഗം സ്ഥിരീകരിച്ചു.