ആലപ്പുഴ: കാർഷിക പമ്പുകൾക്ക് അനെർട്ട് സബ്സിഡി നൽകും.ഇതിനായി കേന്ദ്ര കർഷക സഹായ പദ്ധതിയായ പി.എം കുസും കോംപോണേന്റ് ബി-യുടെ രജിസ്‌ട്രേഷൻ ജില്ലാ ഓഫീസുകൾ മുഖേന ആരംഭിച്ചു. പദ്ധതി പ്രകാരം വൈദ്യുതേതര കാർഷിക പമ്പുകളെ സോളാർ പമ്പുകളാക്കി മാറ്റി ഇന്ധനവില ലാഭിക്കാൻ കർഷകർക്ക് സാധിക്കും. കർഷകർ സ്ഥാപിക്കുന്ന പമ്പുകൾക്ക് 60ശതമാനം സബ്സിഡി വരെ നൽകും. വൈദ്യുതേതര പമ്പുകൾ ഉപയോഗിക്കുന്ന എല്ലാ കർഷകർക്കും ഈ പദ്ധതിയുടെ ആനുകൂല്യം ലഭിക്കും. വിശദവിവരങ്ങൾക്ക് ആലപ്പുഴ കൈചൂണ്ടിമുക്ക്, ഇന്ദിരാ ജംഗ്ഷന് സമീപം പ്രവർത്തിക്കുന്ന അനെർട്ടിന്റെ ജില്ലാ ഓഫീസുമായി ബന്ധപ്പെടണം. ഫോൺ: 0477-2235591.