ചേർത്തല: കേരള കയർ തൊഴിലാളി ക്ഷേമനിധി ബോർഡിൽ അംഗത്വമുള്ള തൊഴിലാളികളുടെ മക്കൾക്ക് 2021-22 വർഷത്തെ ഡിഗ്രി,പ്രോഫഷണൽ കോഴ്സുകളിലേയ്ക്കുള്ള വിദ്യാഭ്യാസ ധനസഹായത്തിന് അപേക്ഷ ക്ഷണിച്ചു. ക്ഷേമനിധിയിൽ അംഗത്വമെടുത്ത് 2021 മേയ് 31ന് രണ്ട് വർഷം പൂത്തീകരിച്ച് കുടിശിക കൂടാതെ വിഹിതം അടച്ച് വരുന്ന തൊഴിലാളികളുടെ മക്കൾക്കാണ് ധനസഹായത്തിന് അർഹത.കേരളത്തിലെ ഗവ. അംഗീകൃത സ്ഥാപനങ്ങളിൽ സർക്കാർ അംഗീകൃത ഫുൾടൈം കോഴ്സുകളിൽ ഡിഗ്രി,പി.ജി, പ്രൊഫഷണൽ കോഴ്സുകൾ, പോളിടെക്നിക്ക്,എൻജിനിയറിംഗ്,മെഡിസിൻ,അഗ്രികൾച്ചർ,നഴ്സിംഗ്,പാരാമെഡിക്കൽ കോഴ്സുകളിൽ ഉപരിപഠനം നടത്തുന്നതിനാണ് ധനസഹായം നൽകുന്നത്. അപേക്ഷ ഫോറം 10 രൂപ നിരക്കിൽ ബോർഡിന്റെ ജില്ലയിലെ എല്ലാ ഓഫീസുകളിലും വിതരണം ചെയ്തു തുടങ്ങി. പൂരിപ്പിച്ച അപേക്ഷകൾ 28വരെ സ്വീകരിക്കുമെന്ന് ചീഫ് എക്സിക്യൂട്ടീവ് ഓഫീസർ അറിയിച്ചു.