മാന്നാർ: ജൈവമാലിന്യ സംസ്ക്കരണത്തിനായി അഞ്ചുലക്ഷത്തോളംരൂപ ചെലവഴിച്ച് മാന്നാർ ഗ്രാമപഞ്ചായത്ത് ഓഫീസ് വളപ്പിൽ എയറോബിക് കമ്പോസ്റ്റബിൾ യൂണിറ്റ് സ്ഥാപിച്ചു. ജില്ലാപഞ്ചായത്ത് പൊതുമരാമത്ത് സ്റ്റാൻഡിംഗ് കമ്മിറ്റി ചെയർപേഴ്സൺ വൽസല മോഹൻ എയറോബിക് കമ്പോസ്റ്റബിൾ യൂണിറ്റിന്റെ ഉദ്ഘാടനം നിർവഹിച്ചു. മാന്നാർഗ്രാമപഞ്ചായത്ത് പ്രസിഡന്റ് ടി​.വി രത്നകുമാരി അദ്ധ്യക്ഷത വഹിച്ചു. വൈസ് പ്രസിഡന്റ് സുനിൽ ശ്രദ്ധേയം സ്വാഗതം പറഞ്ഞു. വികസന സ്റ്റാന്റിംഗ് കമ്മിറ്റി ചെയർപേഴ്സൺ ശാലിനി രഘുനാഥ്, ക്ഷേമകാര്യ ചെയർമാൻ സലിം പടിപ്പുരയ്ക്കൽ, ആരോഗ്യ-വിദ്യാഭ്യാസ ചെയർപേഴ്സൺ വൽസല ബാലകൃഷ്ണൻ, ആസൂത്രണ സമിതി ഉപാദ്ധ്യക്ഷൻ പി.എൻ ശെൽവരാജൻ, ഗ്രാമപഞ്ചായത്ത് അംഗങ്ങളായ വി.ആർ ശിവപ്രസാദ് , സുനിത എബ്രഹാം, സുജാത മനോഹരൻ , സലീനനൗഷാദ് , അനീഷ് മണ്ണാരേത്ത്, രാധാമണി ശശീന്ദ്രൻ, വി.കെ ഉണ്ണികൃഷ്ണൻ , കെ.സി പുഷ്പലത, ഷൈന നവാസ്, സിഡിഎസ് ചെയർപേഴ്സൺ സുശീല സോമരാജൻ, ഗ്രാമപഞ്ചായത്ത് സെക്രട്ടറി ബിജു കെ.പി, അസി.എൻജി​നി​യർ സുമി സുരേഷ്, കലാധരൻ കൈലാസം, കുര്യൻ മാനാംപടവിൽ എന്നിവർ പങ്കെടുത്തു.