ചേർത്തല: കേരള സംസ്ഥാന പിന്നാക്ക വിഭാഗ വികസന കോർപ്പറേഷൻ തണ്ണീർമുക്കം പഞ്ചായത്ത് സി.ഡി.എസിന് 1.45 കോടി രൂപ വായ്പ നൽകി. 29 കുടുംബശ്രീ അയൽക്കൂട്ടങ്ങളിലെ അംഗങ്ങൾക്കാണ് വായ്പ. മൈക്രോ ക്രെഡി​റ്റ് വായ്പയ്ക്ക് പുറമെ സ്വയംതൊഴിൽ–വിവാഹ–സുവർണശ്രീ വായ്പകളും വിതരണംചെയ്തു.

പഞ്ചായത്ത് ഹാളിലെ ചടങ്ങിൽ മന്ത്റി പി.പ്രസാദ് വായ്പാവിതരണം ഉദ്ഘാടനംചെയ്തു. പിന്നാക്ക വിഭാഗ വികസന കോർപ്പറേഷൻ ചെയർമാൻ അഡ്വ.കെ .പ്രസാദ് അദ്ധ്യക്ഷനായി. പുതുതായി ചുമതലയേ​റ്റ ചെയർമാനെ മന്ത്റി പൊന്നാടയണിയിച്ച് അനുമോദിച്ചു. പഞ്ചായത്ത് പ്രസിഡന്റ് കെ.മഞ്ജുള,വൈസ് പ്രസിഡന്റ് പ്രവീൺ ജി.പണിക്കർ, സ്​റ്റാൻഡിംഗ് കമ്മി​റ്റി അദ്ധ്യക്ഷരായ സുരേഷ്‌കുമാർ, മിനി ലെനിൻ,സ്വപ്‌ന,സാനു സുധീന്ദ്രൻ, പി.പി.ഉദയസിംഹൻ,ശ്രീജ ഷിബു എന്നിവർ സംസാരിച്ചു. മൂന്ന് കോടി രൂപവരെ വായ്പ നൽകുന്ന പദ്ധതിയിൽ 5ശതമാനംവരെയാണ് പലിശ. താലൂക്കിൽ താത്പ്പര്യമുള്ള സി.ഡി.എസുകൾ 6282013845 നമ്പരിൽ ബന്ധപ്പെടണം.