ആലപ്പുഴ: നഗരത്തിലെ മുല്ലക്കൽ സൗപർണിക ജ്വല്ലറിയുടെ രണ്ടു കടമുറികൾക്ക് തീ പിടിച്ചു.ഫയർഫോഴ്സിന്റെ സമയോചിതമായ ഇടപെടലാണ് വൻ തീപി‌ടിത്തം ഒഴിവായത്. ഇന്നലെ പുലർച്ചേ 1.15 നായിരുന്നു സംഭവം നടന്നത് . പ്രാഥമികമായി 2.5 ലക്ഷം രൂപയുടെ നഷ്ടമാണ് നഷ്ടകണക്ക് രേഖപ്പെടുത്തിയത്. എന്നാൽ 15 ലക്ഷത്തിന്റെ നഷ്ടമുണ്ടായതാണ് കടയുടമ പറയുന്നത്. കടമുറിയിൽ ഉണ്ടായിരുന്ന സ്വർണ്ണം, വെള്ളി, 80,000രൂപ പൂർണമായും കത്തിനശിച്ചു.കടയിൽ സ്വർണം ഉരുക്കുന്ന ഗ്യാസും അടുത്തുള്ള കടമുറികളിൽ പാചകവാതക സിലണ്ടറുകൾ സൂക്ഷിച്ചിരുന്നു. അസിസ്റ്റന്റ് സ്റ്റേഷൻ ഓഫീസർ വാലെൻറൈന്റെ നേതൃത്വത്തിൽ അസിസ്റ്റന്റ് സ്റ്റേഷൻ ഓഫീസർ ജയസിംഹൻ, അനികുമാർ ഫയർ ഓഫീസർമാരായ സി.കെ.സജേഷ്, പി.രതീഷ്, ശശി അഭിലാഷ്, എസ്. സുജിത്ത് , ആർ. സന്തോഷ് , ഷാജൻ കെ ദാസ്, ടി.ജെ. ജിജോ, ബിനോയ്, ബിനു കൃഷ്ണ, കലാധരൻ, ഉദയകുമാർ, വിനീഷ്, പുരുഷോത്തമൻ തുടങ്ങിയവർ രക്ഷാപ്രവർത്തനത്തിൽ പങ്കെടുത്തു.