പൂച്ചാക്കൽ: തെങ്ങു കയറ്റത്തിന് പ്രത്യേകം പരീശീലനം ലഭിച്ചിട്ടില്ലെങ്കിലും ഒരു ധൈര്യത്തിന് തെങ്ങി​ൽക്കയറി​ പഞ്ചായത്ത് പ്രസിഡന്റ് അഡ്വ.വി.വി. ആശ. പെരുമ്പളം പഞ്ചായത്ത് മഹിളാ കിസാൻ ശാക്തി കിരൺ പരിയോജന പദ്ധതിയുടെ ഭാഗമായുള്ള വനിതകൾക്കുള്ള തെങ്ങുകയറ്റ പരിശീലന പരിപാടിയി​ലായി​രുന്നു വേറി​ട്ട ഉദ്ഘാടനം. എന്തായാലും

പ്രസിഡന്റി​ന്റെ തെങ്ങിൽക്കയറ്റം ഏവർക്കും കൗതുകമായി.

തിരഞ്ഞെടുക്കെപെട്ട പത്ത് വനിതകൾക്ക് തെങ്ങുകയറ്റം കൂടാത ജീവാണു വളപ്രയോഗം, മഴപ്പൊലിമ , ട്രാക്ടർ പരിശീലനം, യന്ത്രവൽകൃത ഞാറു നടീൽ തുടങ്ങിയവയിലും പരിശീലനം നൽകും. പരിശീലനം നേടിയ വനിതകളുടെ കൂട്ടായ്മയിൽ ലേബർ ബാങ്ക് രൂപീകരിക്കുവാനും കാർഷിക പ്രവർത്തികൾക്ക് വിനിയോഗിക്കാനുമാണ് ലക്ഷ്യമിടുന്നത്. ബ്ലോക്ക് പഞ്ചായത്ത് മെമ്പർ ശോഭന, ഗ്രാമ പഞ്ചായത്ത് മെമ്പർമാരായ സി. ഗോപിനാഥ്, ശ്രീമോൾ തുടങ്ങിയവർ പങ്കെടുത്തു.