ഹരിപ്പാട്: എസ്.എൻ.ഡി.പി.യോഗം കാർത്തികപ്പള്ളി യൂണിയനിലെ കരുവാറ്റ വടക്ക് 2975ാം നമ്പർ ശാഖയുടെ ആഭിമുഖ്യത്തിൽ നടപ്പിലാക്കികൊണ്ടിരിക്കുന്ന 'ഗുരു ചൈതന്യം' പദ്ധതിയുടെ ഭാഗമായി ശാഖയിലെ 14 കുടുംബയൂണിറ്റുകളിൽ നിന്നും നറുക്കെടുക്കപെടുന്ന കുടുംബങ്ങൾക്ക് ഭക്ഷ്യ കിറ്റ് വിതരണത്തിന്റെ രണ്ടാം ഘട്ടം വിതരണം കാർത്തികപ്പള്ളി യൂണിയൻ വൈസ് പ്രസിഡന്റ് എം. സോമൻ ഉദ്ഘാടനം നിർവഹിച്ചു . ശാഖാ വൈസ് പ്രസിഡന്റ് പി.വി രമണൻ അദ്ധ്യക്ഷത വഹിച്ചു. യൂണിയൻ കൗൺസിലർ ദിനു വാലുപറമ്പിൽ മുഖ്യ പ്രഭാഷണം നടത്തി.ശാഖാ സെക്രട്ടറി . കെ.സുകുമാരൻ, വനിതാ സംഘം യൂണിയൻ സെക്രട്ടറി ലേഖ മനോജ്, യൂണിറ്റ് പ്രസിഡന്റ് സുലോചനാ സുകുമാരൻ, സെക്രട്ടറി അനിത സാംബൻ, ശാഖാ മാനേജിംഗ് കമ്മിറ്റി അംഗങ്ങളായ ആർ. രാജീവ്, ദേവദത്തൻ, സി.സജി, സംബശിവൻ പഞ്ചായത്ത് കമ്മിറ്റി അംഗം സുകുമാരൻ തോന്നക്കൽ എന്നിവർ സംസാരിച്ചു.