ചെങ്ങന്നൂർ: എസ്.എൻ.ഡി.പി യോഗംചെങ്ങന്നൂർ യൂണിയന്റെയും എറണാകുളം മുക്തിഭവൻ കൗൺസിലിംഗ് സെന്ററിന്റേയും ആഭിമുഖ്യത്തിൽ യുവതിയുവാക്കൾക്കായുള്ള പ്രീമാര്യേജ് കൗൺസിലിംഗ് ക്ലാസുകൾ യൂണിയൻ ബിൽഡിംഗിലുള്ള സരസകവി മൂലൂർസ്മാരക ഹാളിൽ വെച്ച് 10,20 തീയതികളിൽ നടക്കും. നാളെ രാവിലെ 9.30 ന് യൂണിയൻ ചെയർമാൻ അനിൽ അമ്പാടി കൗൺസിലിംഗ് ക്ലാസ് ഉദ്ഘാടനം ചെയ്യും. യൂണിയൻ അഡ്.കമ്മറ്റി വൈസ് ചെയർമാൻ പി.ആർ.രാഖേഷ് അദ്ധ്യക്ഷത വഹിക്കും. യൂണിയൻ കൺവീനർ അനിൽ പി.ശ്രീരംഗം മുഖ്യപ്രഭാഷണം നടത്തും. യൂണിയൻ അഡ്.കമ്മറ്റി അംഗങ്ങളായ കെ.ആർ. മോഹനൻ, എസ്.ദേവരാജൻ, ബി.ജയപ്രകാശ് തൊട്ടവാടി, എം.പി.സരേഷ്,കെ.ആർ.മോഹനൻകൊഴുവല്ലൂർ, അനിൽ കണ്ണാടി എന്നിവർ പ്രസംഗം നടത്തും. രണ്ട് ദിവസങ്ങളിലായി നടക്കുന്ന ക്ലാസിൽ രാജേഷ് പൊന്മല, സരേഷ് പരമേശ്വരൻ, ഷൈലജാ രവീന്ദ്രൻ, കൊടുവഴങ്ങ ബാലകൃഷ്ണൻ, ഡോ.അനൂപ് വൈക്കം, ഡോ.ശരത് ചന്ദ്രൻ എന്നിവർ ക്ലാസുകൾ നയിക്കും. 20 ന് വൈകിട്ട് 5 ന് യൂണിയൻ കൺവീനർ അനിൽ പി. ശ്രീരംഗം സർട്ടിഫിക്കറ്റുകൾ വിതരണം ചെയ്യും.