ചേർത്തല: നഗരത്തിൽ നടക്കുന്ന കാന നിർമ്മാണം അശാസ്ത്രീയവും അപകടകരവുമാണെന്നാരോപിച്ച് യൂത്ത് കോൺഗ്രസും ബി.ജെ.പിയും പൊതുമരാമത്ത് ഓഫീസിൽ സമരം നടത്തി.
യൂത്ത് കോൺഗ്രസ് പ്രവർത്തകർ പൊതുമരാമത്ത് അസിസ്​റ്റന്റ് എക്‌സിക്യുട്ടീവ് എൻജിനീയറെ ഉപരോധിച്ചു.ജില്ലാജനറൽ സെക്രട്ടറി കെ.ആർ.രൂപേഷ് ഉദ്ഘാടനം ചെയ്തു.ആർ.രജിൻ,ഷൈൻ വിശ്വംഭരൻ,ആർ.രവിപ്രസാദ്,എൻ.ജെ.അനന്തകൃഷ്ണൻ,സിയാദ് തുടങ്ങിയവർ നേതൃത്വം നൽകി.
ബി.ജെ.പി ചേർത്തല മണ്ഡലം കമ്മി​റ്റി പൊതുമരാമത്ത് ഓഫീസിന് മുന്നിൽ നടത്തിയ സമരം ജില്ലാ ജനറൽ സെക്രട്ടറി വിമൽരവീന്ദ്രൻ ഉദ്ഘാടനം ചെയ്തു. മണ്ഡലം പ്രസിഡന്റ് അഭിലാഷ്മാപ്പറമ്പിൽ അദ്ധ്യക്ഷനായി.ജില്ലാ വൈസ് പ്രസിഡന്റ് പി.കെ.ബിനോയ്,ശ്രീദേവി വിപിൻ,അരുൺ.കെ.പണിക്കർ,
കെ.പ്രേംകുമാർ,ഡി.ജ്യോതിഷ്,കട്ടികാട്ട് ഗിരീശൻ,വൃന്ദാമിത്രാഭായി എന്നിവർ പങ്കെടുത്തു.