ആലപ്പുഴ: സംസ്ഥാനത്തെ മികച്ച ജില്ലാ കളക്ടർക്കുള്ള അവാർഡിന് തിരഞ്ഞെടുക്കപ്പെട്ട കളക്ടർ എ. അലക്സാണ്ടറെ ജില്ലാ പഞ്ചായത്ത് അനുമോദിച്ചു. അനുമോദന യോഗം ജില്ലാ പഞ്ചായത്ത് പ്രസിഡന്റ് കെ.ജി. രാജേശ്വരി ഉദ്ഘാടനം ചെയ്തു. വൈസ് പ്രസിഡന്റ് ബിപിൻ സി. ബാബു അദ്ധ്യക്ഷത വഹിച്ചു. സർവീസിൽനിന്ന് വിരമിക്കുന്ന ചെങ്ങന്നൂർ ജില്ലാ ആശുപത്രി സൂപ്രണ്ട് ഡോ. ഗ്രേസി ഇത്താക്കിനെ ചടങ്ങിൽ ആദരിച്ചു. ജില്ലാ പഞ്ചായത്ത് സെക്രട്ടറി കെ.ആർ. ദേവദാസ്, സ്റ്റാൻഡിംഗ് കമ്മിറ്റി ചെയർമാൻമാരായ അഡ്വ. ടി.എസ്. താഹ, എം.വി. പ്രിയ, വത്സല മോഹൻ, എ. ശോഭ, ജില്ലാ പഞ്ചായത്ത് അംഗങ്ങളായ ജോൺ തോമസ്, എ. ശിവപ്രസാദ് തുടങ്ങിയവർ സംസാരിച്ചു.