ചെങ്ങന്നൂർ: എസ്.എൻ.ഡി.പി.യൂണിയൻ കോട്ടമേഖലാതല സംയുക്തയോഗം ഇന്ന് വൈകിട്ട് 3.00 മണിക്ക് 1127ാം നമ്പർ കോട്ട ശാഖാ ഹാളിൽ നടക്കും. യൂണിയൻ ചെയർമാൻ അനിൽ അമ്പാടിയുടെ അദ്ധ്യക്ഷതയിൽ കൂടുന്ന യോഗത്തിൽ യൂണിയൻ കൺവീനർ അനിൽ പി.ശ്രീരംഗം യോഗത്തിന്റെയും യൂണിയന്റെയും ക്ഷേമപദ്ധതി​കളും സംഘടനാ റിപ്പോർട്ടും അവതരിപ്പിക്കും. യൂണിയൻ വൈസ് ചെയർമാൻ രാകേഷ് പി.ആർ., അഡ്.കമ്മി​റ്റി അംഗങ്ങളായ കെ.ആർ.മോഹനൻ, എസ്.ദേവരാജൻ, ബി.ജയപ്രകാശ് തൊട്ടാവാടി, കെ.ആർ.മോഹനൻ കൊഴുവല്ലൂർ, അനിൽ കണ്ണാടി എന്നിവർ സംസാരി​ക്കും. മെഴവേലി, കോട്ട, കാരിത്തോട്ട, വല്ലന, കുടയ്ക്കാമരം എന്നീ ശാഖകളിലെ മുഴുവൻ ശാഖാ ഭാരവാഹികളും പോഷകസംഘടനാ ശാഖാ ഭാരവാഹികളും യോഗത്തിൽ പങ്കെടുക്കും. യൂണിയൻ അഡ്.കമ്മി​റ്റി അംഗം സരേഷ് എം.പി.സ്വാഗതവും 1127ാം നമ്പർ കോട്ട ശാഖായോഗം പ്രസിഡന്റ് പി.വി.രാജേന്ദ്രൻ നന്ദി​യും പറയും.