ചേർത്തല: കേരളാ ലോട്ടറി ഏജന്റ്സ്, സെല്ലേഴ്സ് ആൻഡ് വർക്കേഴ്സ് കോൺഗ്രസ് സംസ്ഥാന പ്രവർത്തക യോഗം ചേർന്നു. കേരള ഭാഗ്യക്കുറിയുടെ 40 രൂപ ടിക്ക​റ്റിന്റെ വില 50 രൂപായാക്കാനുള്ള സർക്കാർ നീക്കം ഉപേക്ഷിക്കുക,ലോട്ടറി തൊഴിലാളികളെയും ചെറുകിട ഏജന്റുമാരെയും സംരക്ഷിക്കുക,സമ്മാനഘടനകൾ പരിഷ്‌കരിക്കുക തുടങ്ങിയ ആവശ്യങ്ങൾ യോഗം ഉന്നയിച്ചു. സംസ്ഥാന പ്രസിഡന്റ് ജോർജ് കോട്ടൂർ അദ്ധ്യക്ഷത വഹിച്ചു. ജോസ് പുത്തേ​റ്റ്,വയലാർ രജികുമാർ,ബേബി നെല്ലിക്കുഴി,ജോണി മംഗലത്തുകരി, കല്ലറ സന്തോഷ്, ജയിംസ് കോശി,വി.ടി.മോഹനൻ എന്നിവർ സംസാരിച്ചു.