ഹരിപ്പാട്: മലയാള ഭാഷ മറ്റു ഭാഷകളുടെ സ്വാധീന വലയത്തിൽപ്പെട്ടു വളർച്ച മുരടിച്ച കാലഘട്ടത്തിൽ ഭാഷാ നവോത്ഥാനത്തിനുവേണ്ടി വേണ്ടതെല്ലാം ചെയ്ത കേരള കാളിദാസ കേരള വർമ്മ വലിയ കോയി തമ്പുരാന്റെ ജന്മദിനമായ ഫെബ്രുവരി 19 ഭാഷാ നവോത്ഥാന ദിനമായി ആചരിക്കാൻ സർക്കാർ തീരുമാനിക്കണമെന്ന് കേരള വർമ്മ സ്മാരക ട്രസ്റ്റ്‌ സർക്കാരിനോട് ആവശ്യപ്പെട്ടു. ജന്മദിന സമ്മേളനത്തിൽ ട്രസ്റ്റ്‌ പ്രസിഡന്റ്‌ സുരേഷ് മണ്ണാറശാല അദ്ധ്യക്ഷത വഹിച്ചു. മുഞ്ഞിനാട്ട് രാമചന്ദ്രൻ സമ്മേളനം ഉദ്ഘാടനം ചെയ്തു. കരുവാറ്റ പങ്കജാക്ഷൻ കേരള കാളിദാസ അനുസ്മരണം നടത്തി. ബിനു വിശ്വനാഥിനെ ട്രസ്റ്റ്‌ സെക്രട്ടറി പൂമംഗലം രാജഗോപാൽ ആദരിച്ചു. ഡോ. വി.ബി.പ്രസാദ്, ആർ.രാഘവവർമ്മ ,ബി.വിജയൻ നായർ, വി.കെ.കേരളവർമ്മ, കെ.രാമവർമ്മ, ശെൽവറാണി, മഹി ഹരിപ്പാട് എന്നിവർ സംസാരിച്ചു.