മരട്: നഗരസഭ 2021-2022 ജനകീയ ആസൂത്രണ പദ്ധതി പ്രകാരം പോത്തുകുട്ടി വിതരണം നടത്തി. ഓരോ ഡിവിഷനുകളിൽ നിന്ന് 33 പേർക്ക് പോത്ത്കുട്ടികൾ നൽകി. വികസനകാര്യ സ്റ്റാൻഡിംഗ് കമ്മിറ്റി ചെയർമാൻ പി.ഡി. രാജേഷ് അദ്ധ്യക്ഷത വഹിച്ചു. മരട് നഗരസഭാ ചെയർമാൻ ആന്റണി ആശാൻപറമ്പിൽ വിതരണോദ്ഘാടനം നടത്തി.

ആരോഗ്യ സ്റ്റാൻഡിംഗ് കമ്മിറ്റി ചെയർമാൻ ചന്ദ്രകലാധരൻ, കൗൺസിലർ ജൈനി പീറ്റർ, വെറ്ററിനറി സർജൻ ഡോ. ഐശ്വര്യ ആർ. വേണു, ലൈവ് സ്റ്റോക്ക് ഇൻസ്പെക്ടർ നീതു ബാലകൃഷ്ണൻ, സിന്ധു, ബീവി തുടങ്ങിയവർ പങ്കെടുത്തു.