മൂവാറ്റുപുഴ: പൊതുവിദ്യാഭ്യാസ വകുപ്പിനുകീഴിൽ സംസ്ഥാന സാക്ഷരതാമിഷൻ അതോറിറ്റി പത്താംതരം, ഹയർ സെക്കൻഡറി തുല്യതാ കോഴ്സുകളിലേക്ക് അപേക്ഷക്ഷണിച്ചു. 28വരെ സമർപ്പിക്കാം. പത്താംതരത്തിന് 100 രൂപ രജിസ്ട്രേഷൻ ഫീസ്. 1750 രൂപയാണ് കോഴ്സ് ഫീസ് (പാഠപുസ്തകങ്ങൾ ഉൾപ്പെടെ). ഹയർ സെക്കൻഡറിക്ക് 300രൂപയാണ് രജിസ്ട്രേഷൻ ഫീസ്. 2200രൂപ കോഴ്സ് ഫീസ് (പാഠപുസ്തകങ്ങൾ ഉൾപ്പെടെ). പത്താംതരത്തിൽ ചേരാൻ 2022 ജനുവരി 1ന് 17 വയസ് പൂർത്തിയാകണം. ഹയർ സെക്കൻഡറിക്ക് 22വയസാണ് പ്രായപരിധി. (സാക്ഷരതാ മിഷന്റെ പത്താംതരം തുല്യതാപരീക്ഷ വിജയിച്ചവർക്ക് പ്രായപരിധി ബാധകമല്ല). തുല്യത പത്താംതരം, ഹയർ സെക്കൻഡറി കോഴ്സുകൾ വിജയിച്ചവർക്ക് ഉന്നതപഠനത്തിന് അർഹതയുണ്ട്. പത്താംതരം തുല്യതാകോഴ്സിന് പി.എസ്.സി അംഗീകാരമുണ്ട്. സർക്കാർ ജോലി, പ്രമോഷൻ എന്നിവയ്ക്കും തുല്യതാകോഴ്സ് പാസായവർ അർഹരാണ്. ഫോൺ: 9847542275.