കൊച്ചി: കലാസാഗർ സ്ഥാപകൻ കലാമണ്ഡലം കൃഷ്ണൻകുട്ടി പൊതുവാളുടെ 98-ാം ജന്മവാർഷികം മേയ് 28ന് പറവൂർ കളിയരങ്ങിന്റെ സഹകരണത്തോടെ നടത്തും. കൃഷ്ണൻകുട്ടി പൊതുവാളിന്റെ സ്മരണാർത്ഥം കലാസാഗർ ഏർപ്പെടുത്തിയ പുരസ്കാരത്തിന് നാമനിർദ്ദേശങ്ങളും ക്ഷണിച്ചു. കഥകളിയുടെ വേഷം, സംഗീതം, ചെണ്ട, മദ്ദളം, ചുട്ടി തുടങ്ങിയ മേഖലയിലെ കലാകാരൻമാരെയും ഓട്ടൻതുള്ളൽ, ചാക്യാർകൂത്ത്, കൂടിയാട്ടം, മോഹിനിയാട്ടം, ഭരതനാട്യം, കുച്ചിപ്പുടി, തായമ്പക, പഞ്ചവാദ്യത്തിലെ തിമില, മദ്ദളം, ഇടക്ക, ഇലത്താളം, കൊമ്പ് എന്നീ കലാവിഭാഗങ്ങളിൽ പ്രാവീണ്യം തെളിയിച്ച കലാകാരൻമാരെയുമാണ് കലാസാഗർ പുരസ്‌കാരം നൽകി ആദരിക്കുന്നത്. 40നും 70നും ഇടക്ക് പ്രായമുള്ളവരും കേരളത്തിൽ സ്ഥിരതാമസമാക്കിയ കലാകാരൻമാരും ആയിരിക്കണം. സെക്രട്ടറി, കലാസാഗർ, കവളപ്പാറ, ഷൊർണൂർ-679523 എന്ന വിലാസത്തിൽ ഏപ്രിൽ 28ന് അപേക്ഷിക്കണം.