പറവൂർ: എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശന്റെ യോഗസാരഥ്യ രജതജൂബിലി ആഘോഷങ്ങളുടെ ഭാഗമായി ചതയദിനത്തിൽ എസ്.എൻ.ഡി.പി യോഗം പറവൂർ യൂണിയൻ നൽകി വരുന്ന അന്നദാനം കൂനമ്മാവ് ഇവാഞ്ചൽ ആശ്രമം, പള്ളിത്താഴം കൊത്തലങ്കോ ആശ്രമം, പെരുമ്പടന്ന ശാന്തിതീരം ആശ്രമം, പറവൂത്തറ ജനനി വൃദ്ധസദനം എന്നിവിടങ്ങളിൽ നൽകി. യൂണിയൻ സെക്രട്ടറി ഹരി വിജയൻ, വൈസ് പ്രസി‌ഡന്റ് ഷൈജു മനക്കപ്പടി എന്നിവർ ഉദ്ഘാടനം ചെയ്തു. യൂണിയൻകൗൺസിലർ കണ്ണൻ കുട്ടുക്കാട്, യൂത്ത്മൂവ്മെന്റ് ജില്ലാപ്രസിഡന്റ് അഡ്വ. പ്രവീൺ തങ്കപ്പൻ, യൂത്ത് മൂവ്മെന്റ് യൂണിയൻകമ്മിറ്റി അംഗങ്ങളായ ജനീഷ് ബോസ്, അഖിൽ കൈതാരം തുടങ്ങിയവർ പങ്കെടുത്തു.