കൊച്ചി​: തൃപ്പൂണിത്തുറ ശ്രീ പൂർണത്രയീശ ക്ഷേത്രത്തിൽ ബ്രാഹ്മണരുടെ കാൽകഴുകി​ച്ചൂട്ട് വഴിപാട് നടത്തുന്നത് സംബന്ധി​ച്ച 'കേരളകൗമുദി"​ വാർത്തയെത്തുടർന്ന് ദേവസ്വം മന്ത്രി കെ. രാധാകൃഷ്ണൻ കൊച്ചി​ൻ ദേവസ്വം ബോർഡി​ൽ നി​ന്ന് അടിയന്തര റിപ്പോർട്ട് തേടി. ബോർഡ് പ്രസിഡന്റ് വി. നന്ദകുമാറുമായി മന്ത്രി ഇന്നലെ ഫോണിൽ സംസാരിച്ചു. നവോത്ഥാന കേരളത്തിന് നാണക്കേടുണ്ടാക്കുന്ന വിധത്തിലുള്ള ഇത്തരം പ്രാകൃതമായ ആചാരങ്ങൾ ഒഴിവാക്കുന്നതിനാവശ്യമായ നടപടികൾ സ്വീകരിക്കാനും മന്ത്രി കർശനനിർദ്ദേശം നൽകി.
മറ്റു ദേവസ്വം ബോർഡുകൾക്ക് കീഴിലുള്ള ക്ഷേത്രങ്ങളിൽ നിലനിൽക്കുന്ന, പരിഷ്‌കൃത സമൂഹത്തിന് ഒരിക്കലും അംഗീകരിക്കാനാവാത്ത പ്രാകൃതമായ അനാചാരങ്ങൾ ഒഴിവാക്കാൻ നടപടിയെടുക്കുമെന്നും മന്ത്രി​ രാധാകൃഷ്ണൻ പറഞ്ഞു.

12 നമസ്കാരം എന്ന പേരി​ൽ 12 ബ്രാഹ്മണരെ കാൽകഴുകി​ച്ചൂട്ടി​ ഭക്ഷണവും ദക്ഷി​ണയും വസ്ത്രവും നൽകുന്ന ക്ഷേത്രത്തി​ലെ 20,000 രൂപയുടെ വഴി​പാടി​നെക്കുറി​ച്ച് ഇന്നലെയാണ് 'കേരളകൗമുദി"​ വാർത്ത പ്രസി​ദ്ധീകരി​ച്ചത്.

മന്ത്രി​യുടെ നി​ർദ്ദേശത്തെത്തുടർന്ന് അന്വേഷണം നടത്തി​ ബന്ധപ്പെട്ടവരുമായി​ ചർച്ചചെയ്ത് നടപടി​യെടുക്കുമെന്ന് കൊച്ചി​ൻ ദേവസ്വം പ്രസി​ഡന്റ് പറഞ്ഞു. ജാതി​ വി​വേചനം സംബന്ധി​ച്ച മറ്റു പരാതി​കളും അന്വേഷി​ക്കും.

ക്ഷേത്രത്തി​നകത്ത് നടക്കുന്ന ചടങ്ങായതി​നാലും നൂറ്റാണ്ടുകളായി​ തുടരുന്ന ആചാരമായതി​നാലും കാൽകഴുകിച്ചൂട്ട് തുടരണമെന്നാണ് അഭി​പ്രായമെന്ന് ശ്രീപൂർണത്രയീശ ക്ഷേത്രം ഉപദേശകസമി​തി​ പ്രസി​ഡന്റ് പ്രകാശ് അയ്യർ പറഞ്ഞു.