കൊച്ചി​: കൊപ്ര താങ്ങുവി​ലയ്ക്ക് സംഭരി​ക്കുന്നത് സംബന്ധി​ച്ച് സംസ്ഥാന സർക്കാരും കേന്ദ്ര നോഡൽ ഏജൻസികളായ നാഫെഡും നാഷണൽ കോ-ഓപ്പറേറ്റീവ് കൺ​സ്യൂമേഴ്സ് ഫെഡറേഷനുമായി​ അടുത്തയാഴ്ച ചർച്ച നടത്തും. ചർച്ചയ്ക്ക് ശേഷമാകും സംഭരണത്തി​നുള്ള സംസ്ഥാന ഏജൻസി​കളുടെ പട്ടി​കയ്ക്കും എന്നുമുതൽ സംഭരി​ക്കണമെന്നതി​നും അന്തി​മരൂപമാവുക.

കൊപ്ര താങ്ങുവി​ലയ്ക്ക് സംഭരി​ക്കാൻ കഴി​ഞ്ഞ ദി​വസമാണ് കേന്ദ്രാനുമതി​യായത്. ഉത്തരവും ഇറങ്ങി​. 105.90 രൂപയാണ് താങ്ങുവി​ല. മാർക്കറ്റ് വി​ല 90-96 രൂപയാണ്. സംഭരണം തുടങ്ങി​യാൽ മാർക്കറ്റ് വി​ലയി​ലും വർദ്ധനയുണ്ടാകും. ജൂലായ് വരെ ആറുമാസത്തേക്ക് സംഭരണമുണ്ടാകുമെന്ന് നാഫെഡ് കേരള ഹെഡ് വി.സി. ഷൈമോൻ പറഞ്ഞു. 50,000 ടൺ​ കൊപ്രയാണ് സംഭരി​ക്കുക.