മൂവാറ്റുപുഴ: ജീവിത ശൈലിയും ആഹാരവും ശ്രദ്ധിച്ചാൽ കാൻസർ എന്ന മഹാവിപത്തിനെ നേരിടാൻ കഴിയുമെന്ന് മന്ത്രി പി. പ്രസാദ് പറഞ്ഞു. നന്മമരം ഫൌണ്ടേഷൻ നടത്തിയ ലോക കാൻസർ ദിന പരിപാടിയുടെ ഉദ്ഘാടനം നിർവഹിച്ച് സംസാരിക്കുകയായിരുന്ന അദ്ദേഹം.വൻതോതിൽ രാസവളം ചേർന്ന കൃഷി ഉത്പന്നങ്ങളാണ് നാം കഴിക്കുന്നത്.

ഭക്ഷണം ശുദ്ധവും ആരോഗ്യകരവുമാകാൻ ആ മേഖലയിൽ സ്വയം പര്യാപ്തത കൈവരിക്കാൻ നമ്മുക്ക് കഴിയണം. ഇത്തരം ഒരു സന്ദേശപ്രചാരണം ഏറ്റെടുത്ത നന്മമരം പ്രവർത്തനം അനുകരണീയമെന്നും മന്ത്രി അഭിപ്രായപ്പെട്ടു. നന്മമരം സ്ഥാപകൻ ഡോ. സൈജു ഖാലിദ് അദ്ധ്യക്ഷത വഹിച്ചു. സെ നോ ടു കാൻസർ കാമ്പയിൻ ഉദ്ഘാടനം ഐ. എം.എ സംസ്ഥാനപ്രസിഡന്റ് ഡോ. സാമൂവൽ കോശി നിർവഹിച്ചു. തിരുവനന്തപുരം ആർ.സി.സിയിലെ പ്രൊഫ. ഡോ. ജയകൃഷ്ണൻ കാൻസർ ദിന സന്ദേശം നൽകി. ഡോ. എ .പി .മുഹമ്മദ്‌, ഷീജ നൗഷാദ്, ബിനോയ് വി.ജെ, ഷാജഹാൻ രാജധാനി, സമീർ സിദ്ദീഖി, ബൈജു എം. ആനന്ദ്, സക്കീർ ഒതലൂർ, മുഹമ്മദ് ഷാഫി എം.കെ, സുൽഫിക്കർ അമ്പലക്കണ്ടി, രാജശീ എസ്, ഹഫ്‌സത് ടി.എസ്, ഹരീഷ് കുമാർ, സിന്ധു ആർ.പി. സിദ്ധീഖ് മാസ്റ്റർ, അർച്ചന ശ്രീകുമാർ എന്നിവർ സംസാരിച്ചു.