കോലഞ്ചേരി: വടവുകോട് സാമൂഹികാരോഗ്യ കേന്ദ്രത്തിൽ ഫിസിയോതെറാപ്പി ഒ.പി ആരംഭിച്ചു. തിങ്കൾ, ബുധൻ, വെള്ളി ദിവസങ്ങളിൽ രാവിലെ 9.30മുതൽ 2വരെയാണ് ഫിസിയോതെറാപ്പിസ്റ്റിന്റെ സേവനം ലഭ്യമാവുക. വടവുകോട് ബ്ളോക്ക്പഞ്ചായത്ത് പ്രസിഡന്റ് വി.ആർ. അശോകൻ ഉദ്ഘടനം ചെയ്തു. ആരോഗ്യ സ്റ്റാൻഡിംഗ് കമ്മിറ്റി ചെയർമാൻ ടി.ആർ. വിശ്വപ്പൻ അദ്ധ്യക്ഷനായി. പുത്തൻകുരിശ് പഞ്ചായത്ത് പ്രസിഡന്റ് സോണിയ മുരുകേശൻ, ബ്ലോക്ക് വൈസ് പ്രസിഡന്റ് അനു അച്ചു, വികസനകാര്യ സ്റ്റാൻഡിംഗ് കമ്മിറ്റി അദ്ധ്യക്ഷൻ ജൂബിൾ ജോർജ്, രാജമ്മ രാജൻ, ബേബി വർഗ്ഗീസ്, ഷൈജ റെജി, ഓമന നന്ദകുമാർ, ഡോ. ജയൻ, ഹെൽത്ത് സൂപ്പർവൈസർ സുഗുണൻ, ഹെൽത്ത് ഇൻസ്‌പെക്ടർ സുനിൽ, ഡോ. സിനി, ഫിസിയോതെറാപ്പിസ്റ്റ് ദിവ്യ തുടങ്ങിയവർ സംസാരിച്ചു.