കിഴക്കമ്പലം: മോറക്കാല ഹയർ സെക്കൻഡറി സ്‌കൂളിൽ ജെ.സി.ഐ പള്ളിക്കര കൊവിഡ് പ്രതിരോധ സാമഗ്രികൾ വിതരണം ചെയ്തു. ഓട്ടോമാറ്റിക്ക് സാനിറ്റേഷൻ ഉപകരണവും സ്ഥാപിച്ചു. സോൺ വൈസ് പ്രസിഡന്റ് മിലൻ വി. മാത്യു ഉപകരണങ്ങൾ കൈമാറി. പള്ളിക്കര ജെ.സി.ഐ പ്രസിഡന്റ് കെ.എച്ച്. ഇബ്രാഹിം അദ്ധ്യക്ഷനായി. പ്രിൻസിപ്പൽ പി.വി. ജേക്കബ്, ഹെഡ്മാസ്റ്റർ ജോസ്‌മാത്യു അദ്ധ്യാപകരായ റെജിവർഗീസ്, ആശ, സോൺ കോ ഓർഡിനേറ്റർ ലിജു ടി. സാജു, ടി.എ. മുഹമ്മദ്, സണ്ണി വർഗീസ്, പി.പി. മത്തായി, സാനി തോമസ് തുടങ്ങിയവർ സംസാരിച്ചു.