കിഴക്കമ്പലം: വഴിയോരക്കച്ചവടത്തിനെതിരെ പരാതിയുമായി വ്യാപാരികൾ രംഗത്ത്. ടൗണിലെ നാലു വശങ്ങളിലേക്കുമുള്ള റോഡുകളുടെ ഇരുവശങ്ങളിലുമായി വഴിയോരക്കച്ചവടക്കാർ തമ്പടിച്ചിരിക്കുകയാണ്. താത്ക്കാലിക ഷെഡ് കെട്ടിയും വാഹനങ്ങളിലാക്കി ഭക്ഷണപദാർത്ഥങ്ങളും പലചരക്ക്, മത്സ്യം, മാംസം എന്നിവയും കച്ചവടം നടത്തുന്നു.

കച്ചവടം അവസാനിപ്പിക്കാൻ നടപടിയെടുക്കണമെന്നാവശ്യപ്പെട്ട് വ്യാപാരികൾ കളക്ടർക്ക് പരാതി നൽകി. പട്ടിമ​റ്റം വ്യാപാര ഭവനിൽ ചേർന്ന യോഗം പ്രസിഡന്റ് വി.വി. ഗോപാലൻ ഉദ്ഘാടനം ചെയ്തു. ജനറൽ സെക്രട്ടറി ടി.പി. അസൈനാർ അദ്ധ്യക്ഷനായി. ട്രഷറർ എൻ.കെ. ഗോപാലൻ, വൈസ് പ്രസിഡന്റുമാരായ വി.ജി. ബിനുകുമാർ, എൻ.പി. ബാജി തുടങ്ങിയവർ സംസാരിച്ചു.