മട്ടാഞ്ചേരി: റേഷൻ കാർഡുടമകൾക്ക് റേഷൻ വിവരങ്ങളറിയാൻ കേന്ദ്ര സർക്കാർ മേരാ റേഷൻ ആപ്പ് പദ്ധതി നടപ്പിലാക്കി. ഇതിനായി.റേഷൻ കാർഡ് മൊബൈൽ നമ്പറുമായി ബന്ധപ്പെടുത്തണം. റേഷൻ കാർഡിൽ അനുവദിച്ച ധാന്യങ്ങളുടെ തോത്,​ മറ്റിനങ്ങൾ, ഇടപാടുകളുടെ വിവരങ്ങൾ ,തൊട്ടടുത്തുള്ള റേഷൻകടകളുടെ വിവരങ്ങൾ,​ മറ്റാനുകൂല്യങ്ങൾ എന്നിവയടങ്ങിയതാണ് മേരാ റേഷൻ ആപ്പ്. ആദ്യഘട്ടമായി 2019ൽ നാല് സംസ്ഥാനങ്ങളിൽ നടപ്പിലാക്കിയ ആപ്പ് ഇന്ന് രാജ്യത്തെ 32 സംസ്ഥാനങ്ങളെയും കേന്ദ്രഭരണ പ്രദേശങ്ങളെയും ഉൾപ്പെടുത്തി വിപുലീകരിക്കുകയായിരുന്നു. ഹിന്ദി , ഇംഗ്ലീഷ് ഭാഷകളിലാണ് ആപ്പ് ഇപ്പോൾ ലഭിക്കുക. 25 എം.ബി മാത്രമുള്ള ആപ്പ് പ്ലേ സ്റ്റോറിൽ ലഭ്യമാണ്.