കൊച്ചി: കൊച്ചി മെട്രോയുടെ പേട്ടമുതൽ എസ്.എൻ ജംഗ്ഷൻ വരെയുള്ള റെയിൽപാതയിലെ ആദ്യ ട്രയൽ റൺ വിജയകരം. ഞായർ രാത്രി 12ന് ആരംഭിച്ച ട്രയൽ റൺ പുലർച്ചെ 4.30നാണ് അവസാനിച്ചത്. പേട്ടയി​ലെ രണ്ടാം നമ്പർ പ്ലാറ്റ്ഫോമിൽ നിന്നാണ് 'വൈഗ" എന്ന ആറാംനമ്പർ ട്രെയിൻ യാത്ര തുടങ്ങി​യത്.

മണിക്കൂറിൽ അഞ്ച് കിലോമീറ്റർ വേഗത്തിൽ സഞ്ചരിച്ചായിരുന്നു ട്രാക്ക് പരിശോധന. രാത്രി 12ന് ആരംഭിച്ച ആദ്യപരീക്ഷണ ഓട്ടം വിജയകരമായി 12.56ന് എസ്.എൻ ജംഗ്ഷനിലെത്തി. 1.01ന് പേട്ടയിലേക്ക് മടങ്ങി​. ഇന്നലെ രാത്രി 12നും ട്രയൽ റൺ തുടർന്നു. കൊച്ചി മെട്രോ റെയിൽ ലിമിറ്റഡ് നേരിട്ട് നിർമ്മിക്കുന്ന ആദ്യപാതയാണ് രണ്ടു കിലോമീറ്റർ നീളമുള്ള പേട്ട - എസ്.എൻ ജംഗ്ഷൻ ഭാഗം. 2019 ഒക്ടോബറിലാണ് നിർമ്മാണം ആരംഭിച്ചത്. ആദ്യഘട്ട നിർമ്മാണം ഡെൽഹി മെട്രോ റെയിൽ കോർപ്പറഷനായിരുന്നു.