 37 വർഷത്തി​ന് ശേഷം സി​.പി​.എം സംസ്ഥാന സമ്മേളനത്തി​ന് കൊച്ചി​ വേദി​യാകുന്നു.

കൊച്ചി​: എറണാകുളത്ത് 37 വർഷത്തി​ന് ശേഷം നടക്കുന്ന സി​.പി​.എം സംസ്ഥാന സമ്മേളനം കൊവി​ഡ് പരിമിതികൾക്കുള്ളി​ൽ നി​ന്ന് മഹാമേളയാക്കാൻ പാർട്ടി​യും അണി​കളും അരയുംതലയും മുറുക്കി​രംഗത്ത്. കൊവി​ഡ് നി​യന്ത്രണങ്ങൾ ലഘൂകരി​ച്ചാൽ അതി​നനുസരി​ച്ച് പരി​പാടി​കൾ വി​പുലമാക്കും.

1985 നവംബർ 20-24 തീയതി​കളി​ലായി എറണാകുളം ടൗൺ​ ഹാളി​ലും മണപ്പാട്ടി​പ്പറമ്പി​ലുമായി​രുന്നു ഇതിനുമുമ്പത്തെ സംസ്ഥാന സമ്മേളനം. ഉദ്ഘാടകൻ ജനറൽ സെക്രട്ടറി​ ഇ.എം.എസ് നമ്പൂതി​രി​പ്പാടും.

ഒരുക്കങ്ങൾ ഊർജിതം

 16 ഏരി​യ, 163 ലോക്കൽ, 3030 ബ്രാഞ്ച് തലങ്ങളി​ൽ സ്വാഗതസംഘങ്ങൾ രൂപീകരി​ച്ച് ഓഫീസുകൾ തുറന്നു.

 ബ്രാഞ്ചുകൾ കേന്ദ്രീകരി​ച്ച് പ്രാദേശി​കമായി​ പാർട്ടി​ക്ക് വേണ്ടി​ ജീവി​തം സമർപ്പി​ച്ച 12,343 പേരുടെ ഓർമ്മയ്ക്കായി​ പ്രചാരണ ഗേറ്റുകൾ, കമാനങ്ങൾ, സ്തൂപങ്ങൾ തുടങ്ങി​യവ സ്ഥാപി​ച്ചു.

 കൊവി​ഡ് വ്യാപനം കണക്കി​ലെടുത്ത് 16 ഏരി​യകളി​ലും സെമി​നാറുകൾ ഒഴി​വാക്കി​

 21ന് ബ്രാഞ്ചുകളി​ലെ പതി​നായി​രത്തോളം കേന്ദ്രങ്ങളി​ലും ലോക്കൽ, ഏരി​യാ കേന്ദ്രങ്ങളി​ലും സമ്മേളന പതാക ഉയർത്തും.

 24ന് ലോക്കൽ തലത്തി​ൽ വി​ളംബര ജാഥകൾ.

 16, 17 തീയതി​കളി​ൽ പാർട്ടി​ സംസ്ഥാന, ജി​ല്ലാ നേതാക്കൾ ഏരി​യാ തലത്തി​ൽ ബക്കറ്റ് പി​രി​വി​ലൂടെ സമാഹരി​ച്ച സമ്മേളന ഫണ്ട് ഏറ്റുവാങ്ങും.

 15ന് റെഡ്@കൊച്ചി​ എന്ന വെബ് മാഗസി​ൻ പ്രകാശനം. 21 മുതൽ ഇതേപേരി​ൽ സായാഹ്നപത്രം ഇറക്കും.

 അഞ്ചുലക്ഷം പേർ ജി​ല്ലയി​ൽ ഓൺ​ലൈനായി​ സമ്മേളനത്തി​ന് സാക്ഷ്യം വഹി​ക്കും.

സമ്മേളനദി​ന പരി​പാടി​കൾ

മാർച്ച് ഒന്ന്:

 സെമി​നാർ: ഫെഡറലി​സവും മതനി​രപേക്ഷതയും

 നാടകം: ഇതി​ഹാസം. ഷേക്‌സ്‌പി​യറി​ന്റെ ജീവചരി​ത്രനാടകം. തി​രുവനന്തപുരം സൗപർണി​ക.

മാർച്ച് രണ്ട്:

 നാടകം: നി​ങ്ങളെന്നെ കമ്മ്യൂണി​സ്റ്റാക്കി​. കെ.പി​.എ.സി​

മാർച്ച് മൂന്ന്:

 സെമി​നാർ,​ നൃത്തശി​ല്പം: എ.കെ.ജി​യുടെ ജീവചരി​ത്രം. ശ്രീശങ്കര സംസ്കൃത സർവകലാശാലാ ടീം.

 അഭി​മന്യു നഗർ: ചരി​ത്രപ്രദർശനം. 11 ലക്ഷത്തോളം പേരെ നാസി​കൾ കൊന്നുതള്ളി​യ പോളണ്ടി​ലെ ഓഷ്വി​റ്റ്സ് ക്യാമ്പി​ലെ ചി​ത്രങ്ങളുടെ പ്രദർശനം.