കോതമംഗലം: വിവിധ ആവശ്യങ്ങൾ ഉന്നയിച്ച് കോൺഗ്രസ് നെല്ലിക്കുഴി മണ്ഡലം കമ്മിറ്റിയുടെ ആഭിമുഖ്യത്തിൽ നെല്ലിക്കുഴി പഞ്ചായത്ത് ഓഫീസിന് മുന്നിൽ ധർണ നടത്തി. മണ്ഡലം പ്രസിഡന്റ് അലി പടിഞ്ഞാറേച്ചാലിൽ ഉദ്ഘാടനം ചെയ്തു. പഞ്ചായത്ത് പ്രതിപക്ഷ നേതാവ് എം.വി റെജി അദ്ധ്യക്ഷത വഹിച്ചു. നെല്ലിക്കുഴി പഞ്ചായത്തിൽ കുടിവെള്ള പദ്ധതികളിലെ അഴിമതി വിജിലൻസ് അന്വേഷിക്കുക, മുടങ്ങിക്കിടക്കുന്ന കുടിവെള്ള പദ്ധതികൾ പ്രവർത്തനസജ്ജമാക്കി വെള്ളമെത്തിക്കുക, പഞ്ചായത്ത് ഭരണക്കാരുടെ കെടുകാര്യസ്ഥതയും അഴിമതിയും അവസാനിപ്പിക്കുക, നെല്ലിക്കുഴിയിലെ കുടിവെള്ളക്ഷാമത്തിന് ശാശ്വതപരിഹാരം കാണുക എന്നീ ആവശ്യങ്ങൾ ഉന്നയിച്ചായിരുന്നു ധർണ.