മൂവാറ്റുപുഴ: പ്രായപൂർത്തിയാകാത്ത പെൺകുട്ടിയെ ഉപദ്രവിച്ച കേസിൽ ഒളിവിലായിരുന്നയാൾ പോക്സോ കേസിൽ അറസ്റ്റിലായി. വെളളൂർകുന്നം കാവുങ്കര ഉറവകുഴി കണ്ടോത്ത്‌പടി ഭാഗത്ത്‌ കുറുവംകുന്നത്ത് വീട്ടിൽ നൂറുദ്ദീനെ (53) യാണ് മുവാറ്റുപുഴ പൊലീസ് അറസ്റ്റ് ചെയ്തത്. ഇപ്പോൾ പേഴക്കാപ്പിള്ളി തട്ടുപറമ്പ് ഭാഗത്ത്‌ വാടകയ്ക്ക് താമസിക്കുന്ന ഇയാൾ വയനാട് മാനന്തവാടി ഭാഗത്ത്‌ ഒളിവിൽ കഴിയുമ്പോഴാണ് പിടിയിലായത്. ഇൻസ്‌പെക്ടർ എം.കെ.സജീവിൻ, എസ് ഐമാരായ ഇ.ആർ.ഷിബു, ടി.എം.ഷമീർ എ.എസ്.ഐ പി.സി. ജയകുമാർ, സി.പി.ഒ ബിബിൽ മോഹൻ എന്നിവർ അന്വേഷണസംഘത്തിലുണ്ടായിരുന്നു.