കാലടി: ഗോഡൗണിൽനിന്ന് ജാതിപത്രിയും ജാതിക്കപരിപ്പും മോഷ്ടിച്ചവർ പിടിയിൽ. കാലടി കൈപ്പട്ടൂർ മണ്ണൻതറ ജിതിൻ (22), ആര്യപ്പാറ പലേലി വിനീഷ് (21) എന്നിവരെയാണ് കാലടി പൊലീസ് പിടികൂടിയത്. രണ്ടു മാസമായി വിവിധ ദിവസങ്ങളിലെത്തി കാഞ്ഞൂർ ചെങ്ങൽ പരുത്തിച്ചോട് ഭാഗത്തുള്ള ഗോഡൗണിൽ നിന്നാണ് ഇവർ മോഷണം നടത്തിയത്. ഒരു ലക്ഷത്തോളം രൂപ വിലവരുന്ന ഉത്പന്നങ്ങളാണ് മോഷ്ടിടിച്ചിട്ടുള്ളത്. കൂടുതൽ പേർ ഇതിലുൾപ്പെട്ടിട്ടുണ്ടോയെന്ന് അന്വേഷണം നടത്തിവരികയാണ്. ഇൻസ്പെക്ടർ ബി. സന്തോഷ്, എസ്.ഐമാരായ എസ്. ശിവപ്രസാദ്, കെ.സതീഷ്‌കുമാർ, എ.എസ്.ഐമാരായ മനോജ്, ജോഷി തോമസ്, സി.പി.ഒ രഞ്ജിത്ത് രാജൻ എന്നിവർ ചേർന്നാണ് പ്രതികളെ അറസ്റ്റുചെയ്തത്.