കൊച്ചി: ജില്ലയിൽ ഇന്നലെ 2944 പേർക്ക് കൊവിഡ് സ്ഥിരീകരിച്ചു. സമ്പർക്കംവഴി 2103 പേർക്കാണ് രോഗം. ഉറവിടം അറിയാത്ത 832 പേ‌ർക്കും 9 ആരോഗ്യപ്രവർത്തകർക്കും രോഗം സ്ഥിരീകരിച്ചു. ഇന്നലെ 3514 പേർ രോഗമുക്തി നേടി. ജില്ലയിൽ കൊവിഡ് സ്ഥിരീകരിച്ച് ചികിത്സയിൽ കഴിയുന്നവരുടെ എണ്ണം 18183 ആണ്. ഇന്നലെ നടന്ന കൊവിഡ് വാക്‌സിനേഷനിൽ 1669 ഡോസ് വാക്‌സിനാണ് വിതരണം ചെയ്തത്. ഇതിൽ 149 ആദ്യ ഡോസും 1280 സെക്കൻഡ് ഡോസുമാണ്. കൊവിഷീൽഡ് 556 ഡോസും 1112 ഡോസ് കൊവാക്‌സിനുമാണ് വിതരണം ചെയ്തത്.

ആരോഗ്യപ്രവർത്തകർ,​ മുന്നണിപ്പോരാളികൾ തുടങ്ങിയവർക്കുള്ള കരുതൽ ഡോസായി 240 ഡോസ് വാക്‌സിനാണ് വിതരണം ചെയ്തത്. ആകെ 88611 ഡോസ് മുൻകരുതൽ ഡോസ് നൽകി. ജില്ലയിൽ ഇതുവരെ 5911005 ഡോസ് വാക്‌സിനാണ് നൽകിയത്.