മൂവാറ്റുപുഴ: കേന്ദ്ര സർക്കാരിന്റെ ജനദ്രോഹ ബഡ്ജറ്റിനെതിരെ സംയുക്ത ട്രേഡ് യൂണിയന്റെ നേതൃത്വത്തിൽ മൂവാറ്റുപുഴയിൽ നടന്ന പ്രതിഷേധസായാഹ്നം എ.ഐ.ടി.യു.സി സംസ്ഥാന സെക്രട്ടറി കെ.കെ. അഷറഫ് ഉദ്ഘാടനം ചെയ്തു. ഐ.എൻ.ടി.യു.സി ജില്ലാ വൈസ് പ്രസിഡന്റ് പി.എം. ഏലിയാസ് അദ്ധ്യക്ഷത വഹിച്ചു. നേതാക്കളായ ഉദയകുമാർ, സി.കെ.സോമൻ, കെ.എ. നവാസ്, എം എ.സഹീർ, കെ.എ.അബ്ദുൽ സലാം, കെ.ജി. അനിൽകുമാർ, പി.എം. ഇബ്രാഹിം, അനസ്, സലീം, എം.വി.സുഭാഷ് എന്നിവർ സംസാരിച്ചു.