കൊച്ചി: ആസ്റ്റർ ഡി.എം ഹെൽത്ത്‌കെയർ ആസ്റ്റർ ഗാർഡിയൻസ് ഗ്ലോബൽ നഴ്‌സിംഗ് അവാർഡിന്റെ ഗ്രാൻഡ് ജൂറിയെ പ്രഖ്യാപിച്ചു. യു.എൻ എൻവിറോൺമെന്റ് പ്രോഗ്രാമിന്റെ റസിലിയൻസ് ടു ഡിസാസ്റ്റേർസ് ആൻഡ് കോൺഫ്‌ളി​ക്ട്സ് ഗ്ലോബൽ സപ്പോർട്ട് ബ്രാഞ്ച് ആക്ടിംഗ് ഹെഡായ മുരളി​ തുമ്മാരുകുടിയാണ് ഇന്ത്യയി​ൽ നി​ന്നുള്ള ജൂറി​ അംഗം. 184ലധികം രാജ്യങ്ങളിൽ നിന്നായി 23,282 നഴ്‌സുമാർ, 250,000 ഡോളറിന്റെ വൻ സമ്മാനത്തുകയുള്ള മത്സരത്തിൽ മാറ്റുരയ്ക്കുന്നുണ്ട്. ഇന്ത്യയിൽ നിന്ന് 4,334 നഴ്‌സുമാരുടെ എൻട്രിയെത്തി. മേയ് 12ന് അന്താരാഷ്ട്ര നഴ്‌സസ് ദിനത്തിൽ ദുബായിലാണ് അവാർഡ് പ്രഖ്യാപിക്കുക. കൂടുതൽ വിവരങ്ങൾക്കും നോമിനേഷനും : www.asterguardians.com.