കോലഞ്ചേരി: സി.പി.എം സംസ്ഥാന സമ്മേളനത്തിന്റെ ഭാഗമായി പഴയകാല പാർട്ടി പ്രവർത്തകരെ ആദരിച്ചു. സി.പി.എം വടയമ്പാടി ബ്രാഞ്ചിന്റെ നേതൃത്വത്തിൽ നടന്ന യോഗത്തിൽ ആദ്യകാല പാർട്ടി പ്രവർത്തകനായ വടയമ്പാടി കിഴുപ്പാതായപ്പിള്ളി മന കെ.എൻ. വിഷ്ണു നമ്പൂതിരിയെ ആദരിച്ചു. ജില്ലാകമ്മി​റ്റി അംഗം കെ.വി. ഏലിയാസ് സ്‌നേഹോപഹാരം നൽകി. ഏരിയാകമ്മി​റ്റി അംഗം എം.എൻ. മോഹനൻ പൊന്നാട അണിയിച്ചു. ശ്രീജ രാജീവൻ അദ്ധ്യക്ഷയായി.ലോക്കൽസെക്രട്ടറി എം.എൻ. അജിത്ത്, ഏരിയാകമ്മി​റ്റി അംഗം എൻ.വി. കൃഷ്ണൻകുട്ടി, സ്ലീബ ഐക്കരകുന്നത്ത്, ഭരത് രാജീവൻ എന്നിവരും കുടുംബാംഗങ്ങളും പങ്കെടുത്തു. ഭൂപരിഷ്‌കരണ നിയമവുമായി സഹകരിക്കുകയും ഭൂമി വിട്ടുനൽകുകയും ഒട്ടേറെ സാംസ്‌കാരിക പ്രവർത്തനങ്ങളിൽ നേതൃത്വപരമായി പ്രവർത്തിച്ചിട്ടുമുള്ളയാളാണ് കെ.എൻ. വിഷ്ണു നമ്പൂതിരി.