കൊച്ചി: നടിയെ ആക്രമിച്ച കേസിലെ സാക്ഷിയെ സ്വാധീനിക്കാൻ ശ്രമിച്ചെന്ന പരാതിയിൽ മൊഴിയെടുക്കാൻ ദിലീപിന്റെ അഭിഭാഷകൻ ബി. രാമൻപിള്ളയ്ക്ക് ക്രൈംബ്രാഞ്ച് നോട്ടീസ് നൽകിയ നടപടിയിൽ അഭിഭാഷകരുടെ വ്യാപക പ്രതിഷേധം. അതേസമയം, അഡ്വ. രാമൻപിള്ള നൽകിയ മറുപടിയെത്തുടർന്ന് മൊഴി രേഖപ്പെടുത്തുന്ന നടപടി മാറ്റിവയ്ക്കുകയാണെന്ന് ക്രൈംബ്രാഞ്ച് ഡിവൈ.എസ്.പി എസ്. അമ്മിണിക്കുട്ടൻ വ്യക്തമാക്കി. ഇത് രേഖാമൂലം രാമൻപിള്ളയെ അറിയിച്ചു.

സീനിയർ അഭിഭാഷകനായ ബി. രാമൻപിള്ളയ്ക്ക് ക്രൈംബ്രാഞ്ച് നോട്ടീസ് നൽകിയതിൽ പ്രതിഷേധിച്ച് ഇന്നലെ ഉച്ചയ്ക്ക് കേരള ഹൈക്കോർട്ട് അഡ്വക്കേറ്റ്സ് അസോസിയേഷന്റെ ആഭിമുഖ്യത്തിൽ അഭിഭാഷകർ ഹൈക്കോടതിയുടെ പോർട്ടിക്കോവിൽ പ്രതിഷേധം സംഘടിപ്പിച്ചു. നോട്ടീസ് നൽകിയ നടപടിയിൽ കേരള ഹൈക്കോർട്ട് സീനിയർ അഡ്വക്കേറ്റ്സ് അസോസിയേഷൻ എക്സിക്യുട്ടീവ് കമ്മിറ്റി യോഗം ചേർന്ന് പ്രതിഷേധിച്ചു. ക്രൈംബ്രാഞ്ചിന്റെ നടപടി അഭിഭാഷകന്റെ അവകാശം തടസ്സപ്പെടുത്തുന്നതാണെന്ന് കേരള ബാർ കൗൺസിൽ ചെയർമാൻ അഡ്വ. കെ.എൻ. അനിൽകുമാർ അഭിപ്രായപ്പെട്ടു. ബാർ കൗൺസിലിന്റെ അടുത്ത യോഗത്തിൽ ഇക്കാര്യം ചർച്ചചെയ്ത് മേൽനടപടി സ്വീകരിക്കും.

 നോ​ട്ടീ​സ് ​നി​യ​മ​വി​രു​ദ്ധ​മെ​ന്ന്

​ന​ടി​യെ​ ​ആ​ക്ര​മി​ച്ച​ ​കേ​സി​ൽ​ ​അ​ഡ്വ.​ബി.​രാ​മ​ൻ​പ്പി​ള്ള​യെ​ ​മൊ​ഴി​ ​രേ​ഖ​പ്പെ​ടു​ത്തു​ന്ന​തി​ന് ​വി​ളി​ച്ചു​വ​രു​ത്താ​ൻ​ ​ക്രൈം​ബ്രാ​ഞ്ച് ​ഡി​വൈ.​എ​സ്.​പി​ ​അ​യ​ച്ച​ ​നോ​ട്ടീ​സ് ​നി​യ​മ​വി​രു​ദ്ധ​മാ​ണെ​ന്ന് ​ട്രി​വാ​ൻ​ഡ്രം​ ​ബാ​ർ​ ​അ​സോ​സി​യേ​ഷ​ൻ​ ​മാ​നേ​ജിം​ഗ് ​ക​മ്മി​റ്റി​ ​യോ​ഗം​ ​വി​ല​യി​രു​ത്തി.​ ​അ​ഭി​ഭാ​ഷ​ക​ന്റെ​ ​തൊ​ഴി​ലി​നെ​ ​ബാ​ധി​ക്കു​ന്ന​ ​ത​ര​ത്തി​ൽ​ ​ഇ​ട​പെ​ടാ​ൻ​ ​പൊ​ലീ​സി​ന് ​അ​ധി​കാ​ര​മി​ല്ല.​ ​രാ​മ​ൻ​പ്പി​ള​ള​യ്‌​ക്ക് ​ബാ​ർ​ ​അ​സോ​സി​യേ​ഷ​ൻ​ ​ഐ​ക്യ​ദാ​ർ​ഢ്യം​ ​പ്ര​ഖ്യാ​പി​ച്ചു.​ ​നോ​ട്ടീ​സ് ​ഉ​ട​ൻ​ ​പി​ൻ​വ​ലി​ക്ക​ണ​മെ​ന്ന് ​അ​സോ​സി​യേ​ഷ​ൻ​ ​പ്ര​സി​ഡ​ന്റ് ​ആ​ന​യ​റ​ ​ഷാ​ജി,​ ​സെ​ക്ര​ട്ട​റി​ ​പ്രി​ജ​സ് ​ഫാ​സി​ൽ​ ​എ​ന്നി​വ​ർ​ ​ആ​വ​ശ്യ​പ്പെ​ട്ടു.